Breudwd Welsh Prose 1300-1425
Cymraeg

NLW MS. Peniarth 45 – page 73

Brut y Brenhinoedd

73

1
mal y gellynt gỽneuthur aerua dirua+
2
ỽr o|gelynyon. Sef a oruc ulkassar Gossot
3
y lu yg kylch y mynyd y warchadỽ rac di+
4
anc neb odyno. Canys y uedỽl oed dares+
5
tỽng idaỽ trỽy newyn. yr hỽn ny allyssei
6
y kymell trỽy arueu ac ymlad. O anryf+
7
ed genedyl y bryttanneit a|gymhellassant
8
dỽy weith y gỽr hỽnnỽ ar fo yr hỽn ny
9
allỽys yr holl uyt gỽrthỽynebu idaỽ. Ac
10
wynteu yr aỽr hon yn fo rac hỽnnỽ. Ac
11
eissoes yn gỽrthỽynebu idaỽ yn ỽraỽl. Ac
12
yn paraỽt y diodef agheu dros eu gỽlat
13
ac ym penn yr eil dyd gỽedy gwarchae cas+
14
wallaỽn ym penn y mynyd hỽnnỽ. Ac nat
15
oed na bỽyt na diaỽt Ouynhau a|oruc rac
16
newyn bot yn dir idaỽ ymrodi yng carchar
17
ulkassar. Sef a wnaeth anuon at a+
18
uarỽy y erchi idaỽ y tangnouedu ac ul+
19
kassar rac colli teilygdaỽt y teyrnas
20
gỽedy darffei daly caswallaỽn. A mene+
21
gi a oruc idaỽ ket ryuelei ef ar talym ar
22
auarỽy yr y gospi. Na|mynnei ef eissoes
23
yr hynny y agheu ef. Ac gỽedy menegi
24
hynny y auarỽy. y dywaỽt ynteu nat o+
25
ed haỽd caru tywyssaỽc a|uyd gwar ar y