NLW MS. Peniarth 46 – page 177
Brut y Brenhinoedd
177
net ni. ac y|n magỽyt. un yỽ honno o
ỽladoed germania. achos yn|dyuodediga+
eth ninheu yỽ rodi yn gỽassanaeth y
ti neu y|tyỽyssaỽc arall da a|ỽnel da in.
nyt oes achos yn gỽrthlad o|n gỽlat o ̷ ̷+
nyt a|dyỽedaf|i y ti. gỽlat uechan gyuy ̷ ̷+
yg yỽ. a|phann amhlaont y bopyl yndi
mal na anhont. kynnullaỽ a|ỽneit holl
ỽyr ieueinc y|ỽlat ger bronn y|tyỽysso ̷ ̷+
gyon. a|bỽrỽ prenneu yrygtunt. ac me ̷+
gys y|del y|coelbrenn udunt yd|ellygir
y|ỽladoed y|byt y|myỽn llogeu y|geissaỽ y
gossymdeith. ac yr aỽr honn arglỽyd hep
ef yd yamhlaỽys* kyỽdaỽt yndi yny uu
reit ethol ieuegtit a|ỽely di ger dy uronn.
a|ninheu y deu uroder a|ỽely di yn tyỽys+
sogyon arnadunt. canys o|lin brenhined
yd henym. Sef yỽ uy enỽ i. hengist. a|hors
yỽ enỽ uym braỽt. a|hynny a|uu reit yni
uuudhau ỽrth y|gyureith a uu yr y dechreu.
ac y|doetham hyt dy urenhinaeth titheu
| « p 176 | p 178 » |