NLW MS. Peniarth 46 – page 195
Brut y Brenhinoedd
195
y|ortheyrnn. gouyn a|oruc y|deỽinyon
beth oed yn gỽneuthur hynny. ac yna yd
erchis y|deỽinyon idaỽ geissaỽ map hep
dat idaỽ a|llad hỽnnỽ. a chymyscu gỽa ̷+
et hỽnnỽ a|r calch. ac iraỽ y|mein a|r
calch hỽnnỽ. a|dineu y gỽaet yn|y grỽn ̷+
dal hyt pann sauei y|gỽeith achos y
gỽaet hỽnnỽ. ac yna yd adnuonet ken ̷+
nadeu y bop le dros y|teyrnas y|geissaỽ
mab kyuryỽ a hỽnnỽ. a gỽedy dyuot
deu o|r kennadeu hyt y|dinas a|elỽit
ỽedy hynny caer uyrdin. nachaf y|gỽe+
lynt bỽrnn o|ỽeisson Jeueinc yn|gỽa+
re yn drỽs porth y|dinas. ac edrych a
oruc y kennadeu ar|y gỽare. ac eisted
yn lludedic diffygyaỽl. a gỽedy bot y
gỽeisson yn gỽare yn hir. daruot a|ỽn ̷+
aeth rỽg deu o|r gỽeisson. a|r neill ona+
dunt a|elỽit myrdin. a|r llall a|elỽit
dunaỽt. ac yna y|dyỽat dunaỽt ỽrth
uyrdin. pa achos hep ef yd amryssonyt
| « p 194 | p 196 » |