NLW MS. Peniarth 46 – page 56
Brut y Brenhinoedd
56
anuon a|ỽnaeth at y brenhin. ac at y
uerch y|dyỽedut y|uot ar|y deugeintuet
marchaỽc gỽedy ry dehol o|e dofuyon o.
ynys. prydein. a|e uot yn dyuot y geissaỽ porth y
oresgyn y|gyuoeth dracheuen. a phann
gigleu y|brenhin hynny. kychỽyn a|ỽn+
aeth y brenhin. a|e ỽreic a|e teulu yn er+
byn llyr yn anrydedus mal yd oed teilỽg
erbyn gỽr a uei yn urenhin ar|ynys. prydein.
yn gyhyt ac ef. a hyt tra uu yn freinc
y|rodes y brenhin lyỽodraeth y gyuoeth
idaỽ ual y bei haỽs idaỽ caffel porth. a ̷
nerth y oresgynn y|gyuoeth drachefyn.
A C odyna yd anuonet gỽys dros
holl teyrnnas freinc y dethol y deỽr+
ỽyr ỽrth eu hellỽg y·gyt a|llyr y oresgyn
y|gyuoeth idaỽ dracheuen. a|gỽedy bot
pob peth yn baraỽt. kychỽyn a|ỽnaeth llyr
a chordeilla y|uerch a|r llu hỽnnỽ gantunt
hyt ynys. prydein. ac yn diannot ymlad a|e douy+
on. a|chaffel y|uudugolyaeth. a|r goruot.
| « p 55 | p 57 » |