NLW MS. Peniarth 46 – page 6
Brut y Brenhinoedd
6
adnabot o|brutus y genedyl trigyaỽ a or+
uc ygyt ac ỽynt. ac yn|y lle gỽedy
ymadnabot o brutus a|phaỽb kymeint
uu y daỽn yn eu plith yny oed garedic
gann y|brenhined. a|r tyỽysogyon yn
uỽy no neb o|e gyfuoedon. a hynny oed
idaỽ o|e pryt a|e deỽred a|e haelder a|e
uilỽryaeth a|e glot. a sef achaỽs oed
hynny. pa|beth bynnac a damỽeinhei
idaỽ nac eur. nac aryant na da arall
hynny oll a|rodei ef y|gyt varchogy+
on ac y|baỽp o|r a|e mynhei y|gantaỽ.
ac gỽedy ehedec y|glot ef dros wlado+
ed groec. yd|ymgynnullỽys attaỽ o|r
a hanoed o genedyl tro o|bop le o ter+
uynev groec. ac erchi idaỽ bot yn
tyỽyssaỽc arnadunt a|e rydhav o|gei+
thiỽet gỽyr groec. a hynny a gadarn+
heynt y allu yn haỽd. Canys kymeint
oed eu niuer gỽedy ymgynnullaỽ y+
gyt ac yd oedynt seith mil o|ỽyr ymlad
| « p 5 | p 7 » |