Cambridge Trinity College MS. O.7.1 – page 61v
Llyfr Blegywryd
61v
lleidyr y caffer dogyn vanac arnaỽ
trỽy eglỽys. A chytleidyr lleidyr a gro+
ker am ledrat. A lleidyr a dalher gỽerth
pedeir keinhaỽc gantaỽ neu lei o da
marwaỽl yn lletrat. Tri lleidyr cro ̷+
gadỽy yssyd. lleidyr da bywaỽl a dalher
vn llỽdyn ar y liỽ gantaỽ. A lleidyr
da marwaỽl a dalher gỽerth pedeir
keinhaỽc gantaỽ. neu a uo mỽy. A
lleidyr da bywaỽl a dalher croen ar
y liỽ gantaỽ. Ac ny diheurer am y
llỽdyn o gỽbyl. Tri lleidyr a dieinc
o ledrat kyfadef. reudus a grỽytro
teir tref a naỽ tei ym pob tref heb
gaffel alwissen ae gỽaretto na gỽestua.
kyt dalher a lledrat ymborth gantaỽ
ryd vyd o gyfreith. A gỽreic o gyt le+
drat ae gỽr priaỽt. A lleidyr edyn.
eithyr talu gỽerth kyfreith yr edyn
oe perchenhaỽc. O tri mod y telir
dirỽy treis. vn yỽ pan pallo y reith
y dyn yn gỽadu treis. Eil yỽ pan pallo
y amdiffyn y amdiffynnỽr yr* erbyn
dyn. Trydyd yỽ pan pallo y warant
| « p 61r | p 62r » |