NLW MS. Peniarth 15 – page 112

o|r rei hynny no phei datkanei dyn yt a wnnevthost yn dy grvt ac ny byd mwy

dy gewilẏd yno no phei caffvt gwelioed gynt y|mywn broẏdẏr a darvot dy

wnnevthvr yn yach ohonvnt a|llẏna yti beth yw madev pechodev nev dilev

na phoener amdanadvnt kannys wynt a|vadevir drwy benyt a|chyffes ac

a|dileir o|gyt·wybot dvw a|r seint Discipulus Mi a vynnwn brouu* hẏnnẏ drwẏ angkrei+

fft. Magister. Pony wdost|i ry|lad o|davẏd galaned a|e vot yn aniweir Gwnn. Magister. pony

wdost|i vot meir vadalen yn bechadvres A|gwadv o|beder grist o|e anvdon ac

ymlad o|bawl Ac eglwys dvw yn grevlon Gwn Magister a|gredi di ev bot wynt ẏn|y

nef ˄Discipulus Credaf. Magister. wrth hẏnnẏ os tidi yn llygredic etwa ac yn vrevawl a wyr

hynny mwyaf oll y|gwebydant wyntev. Ac wynt yn rẏd o|lygredigaeth

a|brevolder di weithredoed dithev Ac ny byd kewilẏd ar neb ẏr hẏnnẏ nam+

yn bocsach gantvnt ev diang Discipulus A|vyd gwrthvvn gann yr engylẏon nev|r

seint y|rei a|wnaeth pethev dybrẏyt val hẏnnẏ Ac a|vyd gwaeth wẏ yr hyn+

ny. Magister. Na vyd namyn llawen vydant wrthvnt megys kedymeithon

wrth ereill a|diengẏt o|vrwydẏrev o berigyl arall vellẏ y kytlawenhaa

yr engylẏonn a|r seint am ev diang wyntev a|phob peth o|r a|wnnaethost

o bechodev a|drossir wynt yt ar da a|megys y|bẏd hoff gann vedic iachav

claf annobeith vellẏ y y*|bẏd gogonnyant gan dvw a|r seint a|r engy+

lyon ev gwnevthvr wẏntev yn yach Discipulus Awi o|r dirvawr lewenyd. Magister. O|ge+

tymeithas y|seint ketymeithas davyd a|Jonathas. Gelynnyaeth vedei* hẏnnẏ

gantunt wy Owi o|r velys getymeithas ẏssẏd ẏn|y* ev kwpplyssv wẏnt

Dvw a|e car wynt megys y|veibon Ac wyntev a|garant dvw yn voe noc

wynt e|hvn a|r holl engylẏon a|r holl seint a|e karant wẏnt megẏs wẏnt

e hvn O duundeb y seint Dvhvndeb lesivs a|sippio angkẏssondeb vedei hẏnny

gantvnt wy kannẏs kynn dvvnet vẏdynt wy a|r dev lygat kannys y lle

yd edrycho vn ef a|drossa y|llall yn diannot beth bynnac a|vynnho vn onadvnt

ef a|e mynn dvw a|r holl engylyonn a|r holl seint Discipulus Os dvw a|r holl seint

a vynnant pob peth o|r a|wynnwyf|i mẏnhev yna a|vynnhaf vy|mot yn|gyff+

elyb y bedẏr. Magister. Diogel yw os mẏnnẏ y|bydẏ yn diannot Dẏoer nẏ dywed+

af|i dy vot yn bedẏr namẏn yn gyffelyb idaw kannys pei eiddvnvt ti dy|vot

yn bedyr ti a|eidvnvt na bydvt dvhvn. Ac onnẏ bydvt dvhvn ny allvt dim

kanny chwenych neb dim mwy noc a|brẏnno megys na chwenẏch y|troet

vot yn llygat na|r llaw vot yn glvst nev y gwr vot yn wreic kannys pei

chwenychynt wy mwẏ no dylyet ny cheffynt wy gẏffvlawn lewenyd. a

phawb a|geiff gyffylawn lewenẏd yna wrth hẏnny nyt eidvnant mwẏ

no hẏnnẏ Ac nyt oes neb dim a|allo achwanegv ev llewenyd wy

yn voe noc y|byd a|r gogonnyant ny bo yndaw e|hvn ef a|e|keiff yn arall.

megys pedẏr a|geiff gogonnyant gweryndawt yn Jevan a Jevan a geiff