NLW MS. Peniarth 15 – page 105

wydyev. megys bvdẏgolẏon y|gorffwyssant ẏn|ẏ heistedvaev ac ef a|welir

eisted ohonvnt ar eistedv·aev o|r awẏr megẏs y|dẏwedir wynt a|eist+

edant ẏn|ẏ vrawt ar yr eistedvaev. Discipulus. Pa ffvrẏf ẏ|bẏd y|vrawt. Magister. kymys+

gedic ynt yr awr·honn a|drwc a|da ac ef a|debẏgir bot yn|da y|rei drwc

a bot yn drwc llawer o|r ẏssẏd da ẏna y|gwahana yr engylẏon y|rei da

y wrth y|rei drwc megys ẏ|grawn wrth y|peiswyn. ac yna y|gwehenir

yn bedeir grad vn o|r rei perffeith y|varnnv ẏgẏt a|dvw ar yr rei ereill

arall o|r rei gwirion a|wnneir yn iach drwy y|varnn Y|trẏdẏd o|r rei en+

wir a|ant yg|kẏfvẏrgoll heb varnn Petwer·ẏd o|r rei drwc a|ant yng|ky+

vẏrgoll drwy varnn Discipulus. pwẏ ynt yr rei a|varnnant. Magister. Yr ebestyl a|r mer+

thyri a|meneich a|gwerydonn Discipulus pa|delw y|barnnant wy y|rei gwirion. Magister.

Dangos a|wnnant vot ohonvnt wrth ev dysc a|e hangkreifft ac wrth

hẏnnẏ teilwg ynt y|r deẏrnnas Discipulus Pwẏ yw y|rei a|vernnir. Magister. Y|rei a|wnna+

ethant weithredoed y|drvgared ẏn|ẏ dedvolaf briodas nev a|brynnassant ev

pechodev o|benẏt. ac alvssennev wrth hẏnnẏ ẏ|dẏwedir Dowch chwi y|rei

bendigedic y|teẏrnnas vẏnn tat. i. kannẏs pan vv newẏn arnnaf chwi

a|rodassawch ẏm vwẏt. ac velle ẏ|rif ef ẏr holl weithredoed y drvgared Discipulus A

dywedir hẏnnẏ o|sein geirev. Magister. Pann vo crist ẏno ẏn ẏmdangos ẏn dẏn

Ac wyntev ẏn|ẏ kẏrff yn sevyll ef a|ellir credv y|mae geirev a|vẏd ẏno a|chẏt

bo amlwc y|bawp drwy pa obrwy y|kẏfvẏrgollir nev ẏd yiecheir* drwẏ y|geirẏ+

ev hẏnn yn vwyhaf y danngossir yni. Discipulus. Paham ẏd ieicheir wynt nev pa

delw y|bernnir. Magister. Yn llẏs ẏ|rẏ ef y gwẏr y|rei teilwng hẏnnẏ. Discipulus pwy a|ant

yg|kẏfvyrgoll heb varnn megys pagannẏeit Ac Jdewon a|vvant gwedẏ dio+

def crist kannys angkret vv keitwadaeth ev dedẏf wynt gwedẏ diodeifeint

crist. Discipulus A wyl y|rei hẏnnẏ grist. Magister. Gwelant yr drwc vdvnt megẏs y|dywe+

dir wẏnt a|welant yr hwnn a|vrathassant kannys yr holl rei enwir a|gytssẏ+

nnyassant am anghev yr arglwẏd. Discipulus. Paham ẏ|dẏwedir amdanvnt wẏ na

chyvyt y rei ennwir ẏn|ẏ vrawt. Magister. Nẏ damweina vdvnt wẏ ev varnnv*

yno megẏs y|gwnnaethant yma am·danadvnt wẏ y|dẏwedir. Ti a|e

gossodẏ wynt megys kynne tan geir·bronn dy wẏneb di Discipulus. Pwẏ

a|vernir ac a|ant yg|kyfvyrgoll. Magister. Jdeown* a|bechassant yn erbyn y|dedyf

kynn dyfot crist a|dryckristonogẏon a|wellygant crist o|e drycweithredoed

wrth y|rei hynnẏ y dywedir kilẏwch y wrthẏf y|rei emelldigedic kannẏ

rodassawch ym vwyt pan vv sychet arnnaf na diawt ym pann vv sẏ+

chet arnnaf. Ac velle am bop vn ohonvnt val y|lleill y|dywedit. Ac

o|r geirev hẏnnẏ y|dangossir ym paham y|kẏfvargollir wynt pan·yw

am drymegv ohonvnt prẏnv ev pechodev o|e halvssennev a|gwybẏd di na

dyweit ef dowch chwi y|rei benndigedic. Ac ewch chwi a|mi a|ch emelldi+