NLW MS. Peniarth 15 – page 131
Buchedd Fargred
131
y gwyr a notteynt holi cristonogyon a dilit arnunt py
wed y credynt. y derchauel hi yn yr awyr a|e maedu a gwye+
il meindost. Gwynuededic vargaret a edrychaỽd tu a|r nef. A dy+
wedut val hynn. ynot ti ve arglỽyd i y mae vyg|gobeith i.
N|at ỽynt y|m gwaradỽydaỽ nac y|m gelenyon vy gwat+
twaru. kanys pỽy|bynhac a|ymganlynio a|thi. ny waratỽidir ac
ar hynt gwedy hynny. y wediaỽỽd*. Margret yr eilweith val hynn.
Etrych ar·naf. A|thrugarhaa ỽrthyf|i arglỽyd. a rydha vi o dỽy+
law dynyon enwir ac o laỽ y kigỽr hỽn yman. rac ar|dam+
wein crynu neu wanhau vyg|calon. rac y ofyn ef. Anuon ym
vedegynyaeth a y iechyt* o nef. Megys y|bo yscaỽnach genhyf|i vy
archoỻeu. a|ỻei vyn dolur. Ac ymhoel vy|mhoen yn ỻewenyd
a digriuoch* ym. A|thra|yttoed hi yn gwediaỽ veỻy. yd|oed y
keisseit y* madu* y corff tyner. A|e gwaet yn redec yn ol y gwy+
al yn|ffrydyeu megys dỽyfyr o ffynhaỽn lỽyỽ*. a chyt a|hynn. yd
oed y|righyỻ ar y|laỽn ỻef vn* dywedut val hynn. Cret yn|y|dỽy+
vol vargaret. Ac ef a|th|wneir yn benhaf o|r morrynyon. Ac yna
pan weles y neb a oed yn seuyỻ yn y chylch meint y phoen a me+
int a ordinewit o|e gwaet yd ỽylassant uch|y|phyn* yn dost. A rei
ohonunt a dywaỽt ỽrthi val hyn. Margaret gỽybyd di vot yn
dygyn genhym ni gwelet y dihenyd a welon* ar dy gorff di A
reued na wely meint y tegỽch* yd ỽyt ti yn|y goỻi o achaỽs dy
agret. Pony wely di y braỽdor yn dic yn irỻaỽn ỽrthyt ti.
Ac yn keissaỽ ar vrys dy distriỽ o|r byt hỽn. A dileu dy
gorff o|r daear Cret idaỽ ef a|byd vyỽ. Margaret a ỽethebaỽd
och a|r|kynghorwyr drỽc. Och a|r braỽdwyr enwir beth a er+
chwch imi. Os vyg|corff a|dihenydir vy eneit a geiff gorffo+
wys a|ỻewenyd tragywedaỽl. Ac ỽrth hynny iaỽnach oed iỽch|i
credu y|m gwir duỽ i. y neb a dichaỽn a·gori pyrth paradỽys
iwch. Nyt adolaf|i vyth aỽch cam dỽyeu chỽi mut a bydar a
wnaeth dynyon a|e dỽylaỽ. Ac yna y dywaỽt hi ỽrth y braỽ+
dỽr O|gi digewilyd gwna ti gweithredoed dy tat mae imi duỽ
yn ganhorthỽyỽr. A chyn rodit medyant itti a gaỻeu* ar vyg
corff|i. Jesseu grist a* amdiffyn i. ac a|gymer ve eneit i o|th laỽ
di. Ac yna yd erchis y pennadur drychafel y chorff hi yr eil+
weith yn yr awyr. Ac o gwyal ỻeymyon* dryỻyaỽ a rỽygaw
| « p 130 | p 132 » |