NLW MS. Peniarth 15 – page 3

law. i. hẏt yr awr y del yr arglwẏd ac y|del vẏ eneit o|m corff ny|phed+

russaf inhev kanẏs yr arglwyd a|ch|dvc chỽi yma yr didanỽch ym

yn erbyn ẏ|govvdẏev a daw arnaf ac wrth hẏnnẏ mi a archaf ẏ|dvw

ẏn|ẏ byr amser yssyd ym o|r uvched gynndrẏchaỽl hon ẏnẏ vo y|gwedill

a|dyckwẏf ẏgẏt a|chỽi yn|wassanaeth ẏ dvw a gwedẏ kennhyadv o·honv+

nt hẏnnẏ bot yn llaven ẏn|ẏ didanv ac ynno ẏ|bvant teir nos a|thridi+

ev ar|volẏant ẏ dvw nachaf ar awr echwẏd ẏn|ẏ trẏdẏdẏd hwnnw

dẏgyrchv hvn ẏm·pob vn o·honvnt o|r a|oed ẏn|y tẏ hẏt na aallaỽd*

vn o·honvnt vot heb gyscv namyn ẏr ebystẏl a|r teir morynnyon y|gor+

chymẏnnassei hi vdvnt wassannaethv ẏ|chorff ac ar hynnẏ nachaf

yn|deissẏuyt Jessv yn dyfvot y|mywn a llvossogrỽyd egylẏon  

y·gyt ac ef ac yn dyỽedvt wrth ẏr ebẏstẏl tavgneved* yỽch vrodyr

Bit arnam dẏ drvgared arglwẏd heb wẏnt megẏs y|gobeithassam

y|vot ac ẏna ẏd ẏmẏstẏnnaỽyd Meir ar ẏ|llaỽr a|gwediaw y|r ar+

glwyd val hẏn ẏ·man Coffa vi arglwyd vrenhin gogonet dẏ

enw a|vo moladỽy ẏ·gyt a|r|tat a|r yspryt glan yn pressỽẏlaỽ ẏn vn

teilẏgdaỽt mi a|th|ỽediaf ẏnẏ warandeỽych di llef dẏ law·vorỽyn

val na del ẏ|m herbẏn neb ryw veddẏant diawl ac na welỽyf yspry+

doed ẏ|tyỽyllỽch yn dẏgẏỽerbennyeit ym ac na welỽẏf tyỽẏssawc y

tyỽyllỽych* a|r arglwyd a dyỽat yn atep idi Pann yttoedwn yn dio+

def ponev* anghev chwerỽ dros bechot yr oll vyt ef a doeth attaf|i ty+

ỽyssaỽc ẏ|tẏwyllỽych a gwedẏ na chauas ynof ol dim o|e weithret ef

ymeith ẏd aeth yn orchỽẏegedic sathredic ac vrth hẏnnẏ ti a|e gwelẏ ef

o|gyffredin gyureith genedyl trỽẏ yr hỽn y|daw aghev ytt ac nẏ dicha+

ỽn ef eissoes ar·gyỽedu itt kanys mi a|vydaf y|th ganhorthỽyaỽ ac

wrth hẏnnẏ dos ẏ|th wlẏ* a|chỽpplaa dy dylyedvs teruyn dẏ uuched her+

ỽyd kẏvreith adaf ac vrth hẏnnẏ vy|gwyrth vaỽrussaf em|dyret yn

dibryder dabre vẏg|kẏfnessaf ẏn|eistedva bvched dragyỽyd kanys ẏd ẏm

ẏ|th|aros milỽrẏaeth nefaỽl vrth dy|arwein y lewenyd paradwys a|r ar+

glwẏd yn dyỽedvt hẏnnẏ gogỽydaw ar|y|glỽẏlẏ* a|orvc a|diolch y|r

arlgwyd ac anvon ẏ|hẏsprẏt ac yna ẏ|gwelei yr ebystyl y heneit yn

gynn gannheidyeit ac na allei nep|ryw dẏn marỽaỽl datkanv a|e da+

vawt y|thecket tegach oed noc a|uu eiroet o eira na mettel nac aryant

nac evr yn echtẏwẏnnẏgv o|ddirvavr eglvrder ac yna y gorchymyn+

naỽd yr arglwyd eneit meir y|vihagel archangel yr hwn a|oed

geittỽat paradwys a|thẏỽẏssaỽc kenedyl evrei ac yna y|dywat yr

arglwyd wrth yr ebystyl ketỽẏch gorff Meir a|dygwch ef y|r parth

dehev y|r dinas y|tv a|r dwyrein ac yno y|cawssant mynnwent newyd yn|y lle