NLW MS. Peniarth 15 – page 61

arall o|r wythnos Y|mab a|dywat y mae tri achos ar|dec kynntaf yw

ohonunt Dyw gwener y|gwnaeth dvw adaf ẏn|ẏr a|elwit ebronn Ac a|e llvnẏ+

awd ar|y|delw e|hvn Yr eil yw dvw gwener y|gyrrwẏt adaf Ac eva o|bara+

dwẏs y|waelawt vffern Y|trẏdẏd yw dvw gwener y|lladawd kaym abel

y|vrawt y|merthẏr kynntaf a|verthẏrvyt yr karyat dvw Ac am hynnẏ. y.

kavas kaẏm emelldith dvw Y|pedwerẏd yw dvw gwener y|devth gabriel

angel yn gynnat at veir pan disgynnawd brenhin nef ẏn|ẏ brv a|chẏmrẏt

knawt heb gẏt gwr Y|pymhet yw dvw gwener y beddẏwẏt iessv grist

Y|hwchet* yw dvw gwener y|merthyrwyt ystyphan verthyr o|gyghor erodyr

crevlawn Y seithvet yw dyw gwener y|llawyt* pen Jevan vedydwr. Y|wẏ+

thvet yw dvw gwener y|dio·defvawd iessv ym|pren croc yr rydhav po+

byl ẏ|bẏt o|boenev vffern Nawvet yw dvw gwener y|diodefvawd meir

anghev Ac yd aeth y hyspryt at y hvn mab y|lawenyd nef Decvet

yw dyw gwener y|diodefvawd andreas ar y|groc Ac y|dywat arglwyd heb

ef llẏma a|drodefvaf*|i yr karyat arnat ti Vnvet ar|dec yw dvw gwener

y kavas Elen lvdyawc y groc ry|daroed yr eidewonn ẏ chvdyaw yn|y daẏar

achos y diodefvei crist arnei Ac ar honno y|diodefvawd yntev gwedẏ

ẏ|dwẏnn ẏ|vẏnẏd calvarie trwẏ enryded molyanvs Devdecvet yw dvw gwe+

ner y|merthyrwyt peder a|phawl ebostol Trydyd|ar|dec ẏw dvw gwener

ẏ|rẏd dvw varnnedigaeth o|e draet a|e dwylaw a|e ystlẏssev yn waetlẏt Ac

am hẏnnẏ kymeret pawl dẏw gwener yn|y gorf* y|wnevthvr molẏant

y|dvw yndaw trwẏ vnprẏdev a|gwediev Dyw sadwrnn da yw vnprẏ+

dyaw yr mwyn yr arglwydes veir a|nnerthawd* tynnv yr eneidev o|r po+

enev a|hi a elwir yn ffynnawn y|drvgared Y|olchi Ac y|prvdhav pawb

o|r a alvho arneẏ arwedwreic gwironed y|gelwir ohonei y|devth iessv

grist iachwadr* ẏ|bẏt benndigedic vo y|pobloed a|wassanetho y|vorwẏn

honno trwẏ ewẏllẏs adwẏnedic Yna y|dywat yr amherawdẏr adrion

wrth y mab Mi a|th|tyg·hedaf ti vab Jpotis kẏnn ymadaw a|mi yn enw

y tat a|r mab a|r ysprẏt glan iessv grist yr hwnn a|diodefvawd yn anghev

yr yn byvo dedigaeth* ni py|beth wyt ti ae yspryt da ae vn drwc Y|mab

a attebawd yna idaw val hynn Mi yw gwr a|th orvc ti Ac a|th prynnawd

yn pryt Ac yna yd ysgynnawd y|orvchelder y nef o|r lle y|pann|dathoed. Yr

amherawdẏr yna a|ostyngawd ar tal y|lin a|diolwch a|orvc y|dvw hollgevo+

ethawc yr hẏnt honno a|gwedẏ hẏnnẏ ymhoelvt a|orvc ar weithredoed

gobrwyawl Ac allvssennev gan wnevthvr gogonnyant Ac ardvnyant

yr mawred Ac enryded y|dvw o|r nef Ac yn|y mod hwnnw y tervynha

ymdidan idrian amherawdyr Ac Jpotis val* ysprydawl dvw Amen

mynych yd erchis vẏgẏ* |kẏt·disgẏblon ymi ellwg neb rei o|ovynnei bẏ+