NLW MS. Peniarth 15 – page 97

seith Niwarnnawt. Ac wrth hẏmẏ* y|gwneir seith nihev y|pvrdan val y

galler beth bynnac a|bechawd yr eneit o|r teir nerth drwy betwar defnyd dyn

yn erbynn seith Rinwed yr yspryt glan y|dilev Yn dec ar|hvgein hevyt y gvn+

eir. A|llẏma yr achos drwy dri·dec y|kyvẏt dec ar|hvgein drwẏ tri y|dyellir

newẏdedẏf o|achos ffẏd y|drindawt a|thrwy dec y|dẏellir hen·dedyf o|achos y|degeir

dedyf A|redec y|mis yn dec niwarnnawt ar|hvgeint ac velle y|dyellir beth|bynnac

a|bechawd dẏn yn|y missoed ẏn erbẏn hendedyf A newydedẏf Odẏna y|vlwẏdẏnn

yw krist a megẏs y|dywedir yr arglwyd yw y|vlwẏdẏn dagneuedus Y missoed yw

yr ebystyl kwrs yr hevl yw y|vlwẏdyn megẏs y|dẏwedir; kwrs y|lloer yw y|mis

wrth hynny y|gwnneir pvrdan y|vlwẏdẏn Megys y madevir idaw yn hẏnnẏ

o|ennyt beth bynnac a bechawd yn erbẏn crist hevl y|wironed Ac eglwys yr hon

ẏssẏd levat y|r devdeg mis Sef yw hẏnnẏ dysc y|devdec ebystyl Discipulus Pa baeth* yw

y pvrdan. Magister. Y rei ẏ bẏd pvrdan ẏn|ẏ bẏt megẏs govvdẏon a|cholledev a|wnel

dẏnẏon drwc vdvnt Ereill drwẏ poeni ohonvnt e|hvn y|kyrff drwẏ wylyaw

ac vnprydyaw a llavvryaw Eereill* ẏ|bẏd pvrdan o|golli ev kenedyl ac ev da

y|ereill o|heint a|dolvr Y ereill o|eissev bwyt a|dillat Y ereill o odef anghev chwerw

Gwedy anghev y|bẏd pvrdan yr eneit Ac o|ormod gwres y|tan Ac o ormod

kyrvachedigaeth oeruel. Ac o|ryw genedyl boennev ereill A|mwẏ yw y|poenn

leiaf ohonvnt no|r poenn vwẏhaf a|allei dyn yn|y bẏt hwn y vydẏlyaw a|thra

voent hwẏ ẏn|ẏ poennev hẏnnẏ Gweithev yd ymdengẏs engylyon nev

seint ereill vdvnt y|gwnnaethant wyntev anryded vdvnt Ac wynt yn vyw

yn|y byt Ac a|vyrryant awel nefawl. Ac aroglev hẏnaws arnvnt nev ryw

solans y*. yny voent rẏd y|vẏnet y|r nevad nẏ|chẏmer vn mann yndi. Discipulus.

ym pa|ryw pa*|ryw* fvrẏf y|gossodir wynt yno. Magister. Yn|fvryf y|corfforoed y|bv+

ant yma Ac ef a|dẏwedir am|ẏ diefvyl y|rodir vdvnt corfforoed o|r awẏr

o|e poeni yndvnt Discipulus Pryt na sẏnnẏo corff dim Ac na allo gwnnevthvr

dim drwẏdaw megẏs drwẏ beiryant paham y kyfvyrgollir ef. Magister. Pann

ryvelo dynyon ar y|gelẏnnẏon wẏnt a|distrywyant ei hadeiladev yn gẏntaf.

nev a|e lloscant Ac odẏna y|diveir y|perchennogẏon megys y|dolvryant o

golli ev da Ac o|poeni ev kẏrff y corff weithon ẏssẏd presswylvot y|r eneit

ac am dremegv ohonaw y|kreawdẏr y distrywir Ac y llosgir ẏgẏt

Ac ef Ac vn ẏnt kannẏs beth bynnac a|wneler y|r eneit ef a|dywedir

y|wnnevthvr o|r corff ac wrth hynny yawn y|boeni ygẏt ac ef Discipulus.

Pa|swl* eneit a|doant y|r nef. Magister. Y sawl a|drigyassant yno o|engylyon

.Discipulus Da digawn yd attebeist yn am hẏnnẏ Dẏwet ti ymi pa|delw

y|gwneir am vẏnedẏat y|rei drwc. Magister Pann dranghont y|devant ẏ|ky+

threvleit ẏgẏt yn heitev a|phrẏstellach vawr gantvnt yn arvthẏr

ev gwelet ac yn dechrynnedic ev gweithret Ac yna y kymhellant