BL Additional MS. 19,709 – page 6r
Ystoria Dared
6r
edic. a gỽedy ymfydyaỽ ymỽybot a wnaethant ỽy o pop
parth. a|mynet a wnaeth gỽyr goroec y edrych cestyỻ gỽyr
troea. a gỽyr troea yn edrych kestyỻ gỽyr goroec. ac ody+
na palamides a anuones agamemnon y lespeus ac y teslus
ac ulcanus y rei a wnaethoed agamemnon kyn·no hyny
yn genadeu idaỽ y gyweiraỽ bỽyỻỽrỽ ac y dỽyn gỽenith
o voecia y gan telephus idaỽ a|phan deuth agamemnon y+
no ef a|datkanỽys brat palamides yn|y gyfeir vdunt a|thrỽm
vu gantaỽ hẏnnẏ ac ynteu a|dywaỽt nat drỽy volest
nac y dreis ar·naỽ ef y dugyssit yr amherodraeth racdaỽ
namyn y gỽrthot ohonaỽ ef o|e rỽyd ewyỻus e|hunan ac
ef a erchis v·dunt ỽy baratoi bỽyỻyryeu a ỻenwi eu ỻog+
eu o ystor. ac yna yd oed palamides yn|kadarnhau y gestyỻ
ac yn eu kylchynu o dyroed a|muroed kadarn. a gỽyr
troea a ouynyssant paham yd|oed wyr goroec yn ỻuydaỽ
ac yn adnewydu y|muroed ac yn kadarnhau clodyeu
ac yn kyweiryaỽ pop peth mor garedic a hynny. a gỽedẏ
ymwahanu o|wyr troea a gvyr goroec a|daruot y vlỽydyn
Priaf vrenhin ac ecuba y wreic a|pholixena y verch a gỽyr
troea y|rei ereiỻ a|deuthant hyt ar ved ector. ac achil a deuth
yn|y herbyn. ac edrych a|wnaeth ar polixena. a|e phryt hi a|e
thegỽch a aeth yn|y vedỽl ef. a dechreu a wnaeth y charu
yn vaỽr. ac odyna treulaỽ y vuched a|wnaeth ef yn ỻesged
ac yn seguryt o garyat y vorỽyn a ỻidyaỽc y kymerth ef
arnaỽ dỽyn rac agamemnon yr amherodraeth a gossot
palamides yn benaf arnei. ac ỽrth hyny megys y kymheỻei.
garyat y vorỽyn. gorchymyn a|wnaeth y|fydlonaf was ef
frigius y enỽ vynet at ecuba wreic briaf y erchi poỻixena
| « p 5v | p 6v » |