Bodorgan MS. – page 6
Llyfr Cyfnerth
6
safho ygwassanaeth y vrenhines. hyt
pan el y dyn diwethaf o|r ystauell y gyscu.
Kyffelyp yỽ naỽd offeirat ae gilyd.
Kyffelyp yỽ naỽd morỽyn ystauell y
naỽd y gỽas ystauell Naỽd y bard teu ̷+
lu yỽ hebrỽg y dyn hyt ar y penteulu.
Naỽd y gostegỽr yỽ o|r ostec kyntaf hyt
y diwethaf. Naỽd y troedaỽc yỽ o|r pan
eistedho dan traet y brenhin. hyt pan a
yr ystauell. Naỽd y coc yỽ o|r pan dech+
reuho pobi y golỽyth kyntaf hyt pan
ossoto yr anrec diwethaf. Naỽd y sỽytỽr
llys yỽ o|r pan dechreuo rannu y bỽyt
hyt pan gaffo y diwethaf o|r llys y ran.
Naỽd y medyd yỽ pan safho* dechreuho
gỽneuthur y gerỽyn ved. hyt pan
y cudyo. Naỽd y trullyat yỽ o|r pan de+
chreuho gỽallaỽ y gerỽyn ved
hyt pan darffo. Naỽd y medyc yỽ o|r
pan el y ofỽy y claf gan ganhat y bren+
hin; hyt pan del yr llys trachefyn.
Naỽd y dryssaỽr neuad yỽ canhebrỽg
y dyn hyt y vreich ae wyalen tu ac at
y porthaỽr kanys ef ae gỽrthuyn.
| « p 5 | p 7 » |