Bodorgan MS. – page 74
Llyfr Cyfnerth
74
drostaỽ. Ac o rodi oet o|r haỽlỽr yr talaỽdyr
yn aỽssen y mach. Ac o dỽyn gafel o|r haỽlỽr
ar y talaỽdyr heb ganhat y vach. Ac yna ta+
let tri buhyn camlỽrỽ yr brenhin. Yspeit
mach y paratoi tal gyssefin os ef e| hunan ae
tal. naỽ nieu. O teir fford y differir mach
a chynnogyn. o glybot corn y brenhin yn my+
net yn lluyd. Ac o haỽl treis. Ac o haỽl led+
rat. kanys aghen yn aghen yỽ pop vn o|r
holyon hyn. Mach a dyly dỽyn gafel gyt
ar haỽlỽr hyt yn diogel. A godef arnaỽ y go+
uut a del. Ac ony wna uelly; talet e| hunan.
Dyn a| dyly kymryt mach ar pop da onyt da
a rotho y arglỽyd idaỽ. Y neb a uo mach dros
dyn onys tal y talaỽdyr yn oet dyd; oet pymp+
thec niwarnaỽt. a geiff y mach yna os ar da mar+
waỽl y byd mach. Ac ony thal y talaỽdyr yna;
oet dec diwarnaỽt ar hugeint a geiff y mach y+
na. Ac ony thal y talaỽdyr yna; oet deg diwar+
naỽt a deu vgeint a geiff y mach yna. Ac ony
thal y talaỽdyr yna. talet y mach e| hunan. Os
ar da bywaỽl y byd mach ac na thalho y talaỽ+
dyr yn oet y dyd. oet pymthec diwarnaỽt a ge+
iff y mach yna. Ac ony thal y talaỽdyr yna. oet
| « p 73 | p 75 » |