NLW MS. 24029 (Boston 5) – page 124
Llyfr Blegywryd
124
wreic ẏ|deueit. Odẏnna ẏ|ỽreic a|rann.
A|r gỽr a|deỽis. Eithir ẏ dotrefẏn a|rennir
mal hẏnn. Ẏ|llaethlestri oll ẏ|r wreic.
onnyt vn dẏsgẏl. A|r paeoleu oll. onnẏt
vn pael. A|r vn pael. a|r vn dẏsgẏl a geiff
ẏ|gỽr. Ẏ|gỽr a geiff ẏ carr. ac vn o|r gwe+
deu. a|holl lestri llẏn. A|r kerỽyneu oll.
Ac a|uo danunt o|r dillat gỽelẏ. Os gỽr
ẏna ar|hẏnt a gymer gỽreic arall ef
a|dẏlẏ anuon ẏ|dillat ẏ|gỽelẏ kẏntaf
ẏ|r wreic a ỽrthodet. Ẏ gỽr a geiff ẏ|ga+
llaỽr. A|r tapin. neu y breccan. A|r gobe+
nnẏt. A|r cỽlltỽr. a|r vỽell gẏnnut. a|r
taradẏr. a|r ebill taradẏr. a|r pentan ha+
ẏarn. A|r crẏmaneu oll namẏn vn.
a|r gradell. Ẏ|wreic bieu ẏ|trẏbed. a|r ba+
dell. a|r vuell lẏdan. a|r gogẏr. a|r sỽch.
a|r cỽlltỽr. a|r vn crẏman. a|r llin. a|r lli+
nat. a|r gỽlant*. a|r tlẏsseu oll. eithẏr
eur. neu arẏant. Ẏ|rei hẏnnẏ o|r bẏd+
ant ẏn deu haner ẏ rennir. Y gỽr a ge+
iff ẏr ẏsbcubaỽr a|r|ẏt a|uo ar|ẏ daẏar.
ac ẏn|ẏ daẏar. Ẏ gỽeeu gỽlan a|r rei
llin ẏn deu|hanner ẏ|rennir. Ẏ|r gỽr ẏ
ieir. a|r cath. o|r bẏd ereill ẏ ỽreic a|e
| « p 123 | p 125 » |