NLW MS. 24029 (Boston 5) – page 126
Llyfr Blegywryd
126
gwreic ẏ godineb; rodet lỽ deg|wrag ̷+
ed a|deugeint. ac vellẏ ẏ|gỽr a|watto;
llỽ degwẏr a deugeint a|dẏrẏ. Am|ẏ tri
chadarn enllip ẏ rodir ẏ|reitheu hẏn+
nẏ. O|R bẏd ẏ wreic achaỽs dẏbrẏt
ẏgẏt a gỽr arall; ae o gussan. ae o do+
di ẏ|laỽ ẏnn|ẏ bru. ae o gẏttẏaỽ a|hi.
Ẏ gỽr a|dichaỽn ẏ gwrthot. a hi dẏlẏ
colli ẏ|holl dẏlẏet o rodi cussan heb
vn o|r deu ereill. O|r kẏttẏa gỽr a gỽre ̷+
ic arall; talet idi ẏ sarhaet dan ẏ har+
dẏrchauel vn·weith. kannẏs o|gened+
ẏlaeth elẏnẏaeth ẏỽ. Dros dodi llaỽ
ẏnn|ẏ bru. ẏ telir sarhaet heb dẏrch+
auel idi. Dros gussan; traẏan ẏ sar+
haet a|vẏd eisseu. kannẏ bu weithret
o gỽbẏl ẏrẏdunt. nac o|tỽẏllofueint
idi. na phẏ|wed bẏnnac ẏ|rodit ẏ|cussan
idi. Y neb a gussano gỽreic gỽr arall;
talet betwared rann ẏ|sarhaet idi.
ac vellẏ o dodi llaỽ ẏnn ẏ bru. onnẏt
ẏr gware ẏr hỽnn a elwir gỽare ra+
ffan. neu ẏg|kẏuedach. neu pan dẏel
dẏn o|bell. ẏ|neb a wnel cỽbẏl weithr+
et. cỽbẏl sarhaet a|tal. Goronw
| « p 125 | p 127 » |