BL Cotton Cleopatra MS. A XIV – page 42r
Llyfr Cyfnerth
42r
Trayan dirỽy a|chamlỽrỽ y guastrodyon a| ge ̷+
iff ef. kebystyr a dyry ynteu gan pop ma ̷+
rch a| rotho y brenhin. Penguastraỽt bieu
capan y brenhin or byd crỽyn ỽrthaỽ ae ys ̷+
parduneu or bydant eureit. neu aryaneit.
neu euydeit pan dirmycker. bỽyt seic a| ch ̷+
orneit cỽrỽf a geiff yn| y ancỽyn.
By dyd bynhac y dalyo yr hebogyd cry+
chyd neu bỽn neu whibonogyl uyn ̷+
yd o rym y|hebaỽc. tri guassanaeth a| wna
y brenhin idaỽ. dala y uarch tra disgynho.
A| dala y uarch tra achupo yr adar. A dala y
warthauyl tra eskynho. Teir gueith yd
anrecca y brenhin ef y nos honno ar uỽyt.
Ar gled y kyghellaỽr yd eisted yg|kyuedỽch.
Croen hyd a geiff yr hebogyd yn hydref.
y gan y penkynyd y wneuthur tauyl hu ̷+
aleu a| menyc idaỽ. Dỽy ran a| geiff y uarch.
or ebran. Nyt yf namyn teir diaỽt yn| y
neuad rac bot guall ar y hebogeu. llestyr
a| eruyll y| wiraỽt hagen yn| y llys. Or llad
| « p 41v | p 42v » |