BL Cotton Titus MS. D IX – page 29r
Llyfr Blegywryd
29r
kynnogyn. ac yna y|teir ach nessaf y|r tal+
aỽdyr a|talant y|dylyet. onnyt enwis
y kynnogyn gymvn dros y|dylyet. Kytt
dycco mach y|vechniaeth yn erbynn llud
arglỽyd; ny chyll yr hynny na dirỽy na
chamlỽrỽ o gyureith. Ny dyly neb rodi
alltut yn|vach. na neb o|r a|uo kadarnna+
ch noc ef. Na mynach heb gannyat y|a ̷+
bat. Nac yscolheic yscol heb cannyat y
athro. Na gỽreic onyt arglỽydes y|tal+
aỽdyr vyd. na mab heb gannyat y|tat.
tra dylyo vot drostaỽ. kyt el|y|rei hynny
yn veicheu; ny dylyir kymell mechni
neb ohonunt. TRi lle yd ymdiueicha
mach kyuadef am|dylyet agkyuadef;
vn yỽ; o diwat o|r talaỽdyr y|mach. Eil yỽ;
o gaffel tystolyaeth o vn o|r kynnygyn ar
y|llall. trỽy ymhaỽl yn llys. Trydyd yỽ;
o|lyssu o|vn tyston y|llall ynn|y llys. TRi
pheth ny hennynt o|vechni. a·gheu. a|ch+
leuyt. a charchar. TRi ryỽ dirỽy yssyd.
vn o|ymlad; arall o|treis. tryded o|letrat.
DEudyblyc vyd dirỽy yn llys. ac yn
llann os mam·eglỽys ac vchellaỽr vyd.
O ymlad a|wnelher y|myỽn mynwent;
pedeir punt ar|dec a|telir. Os o vaes
| « p 28v | p 29v » |