Cardiff MS. 1.362 (Hafod 1) – page 64r
Brut y Brenhinoedd
64r
Ac y* aeth ac ef dieithyr y gaer. Ac y llada+
ỽd y ben. Ac yna mal yd oded* waredoccaf
y emreis o|r gỽyr. Erchi a oruc cladu hengyst.
a gỽneuthur cruc maỽr o|r dayar ar y war+
thaf mal yd oed deuaỽt gan y paganyeit cla+
AC odyna kychỽyn a wna +[ du eu meirỽ.
eth emreis a|e lu parth a chaer efraỽc y
ymlad ac octa mab hengyst. A gỽedy dyuot
yno kylchynu a oruc y gaer a dechreu ym+
lad a hi. A gỽedy gỽedy* gỽelet o octa na
allei gynhal y gaer rac emreis. Sef y ka+
uas yn|y gyghor ef a|e henafgỽyr kymryt
kadỽyneu yn eu dỽylaỽ. A dodi|tywaỽt yn
eu penneu yn lle kymun udunt. A mynet
yn ewyllis y brenhin. gan dywedut yr ym+
adraỽd hỽn. Gorchyuynedic* ynt an dỽyeu
ni. Ac ny phedrussỽn ni bot dy duỽ ti y* gỽle+
dychu. yr hỽn y ssyd y kymell y saỽl uohe*
hyn y dyuot y|th ewyllys ti yn|y
wed hon. Ac ỽrth hynny kymer ti y gadỽyn
hon. Ac oyny* myn ty trugared ti wneuthur
amgen no hynny. rvym ti ni a honno. A gỽ+
na y dihenyd a vynhych o·honam. Ac ỽrth hyn+
ny kyffroi ar warder a thrugared a wnaeth
y brenhin. Ac erchi kymryt kyghor ymda+
nadunt. A gỽedy rodi o paỽb o·nadunt am+
ryuaylon gyghoreu. kyuodi a|wnaeth eidal
escob kaer loyỽ. A|theruynu ar eu hymadro+
dyon val hyn. A gabaonitte a doethant oc
| « p 63v | p 64v » |