Cardiff MS. 1.363 (Hafod 2) – page 121r
Brut y Brenhinoedd
121r
1
ỽrenyn ef a dỽc e paganyeyt ar torr y kywdaỽtwyr
2
hyt pan alley enteỽ dystryw e nep a vey ffydlaỽn ymy.
3
Ac eyssyoes ene kanhyato dyw ef e|hỽnan a dygwyd
4
en|y magyl ac en er hwy nyn* a paratoes ef ym rey ffy+
5
dlaỽn ynheỽ. kanys gwedy gwybot o|r ssaysson y twy llef a|e
6
enwyred wynt a bwryassant o|e ỽrenhynyaeth er
7
hyn nyt reyt y nep kwynav. Hynn hagen ysyd kw+
8
ynỽanỽs ry darvot yr eskymvnedyc pobyl a gwa+
9
hodes er eskymvn ỽradwr hvnnv goreskyn a dy+
10
wreydaỽ e bonhedygyon kywdaỽtwyr dyledavc.
11
anreythyav a gwnaethant e ffrwythlavn day+
12
ar. a dystryw er eglwysseỽ. a dyleỽ e crystono+
13
gaeth hayach o|r mor pwy gylyd. Ac wrth hen+
14
ny en awr y kywdaỽtwyr gwnewch chwytheu
15
en wravl. a dyelwch arnaw ef en kyntaf trwy
16
er hwnn y damwennyavd e drygheỽ hynn oll.
17
Ac odyna emchwelỽn en arveỽ en erbyn en ge+
18
lynyon a rydhavn en gwlat y gan ev gormes.
19
ac ny bw ỽn gohyr trwy amraualyon peyry+
20
anheu a chelfydodeỽ yd ymrodassant y key+
21
ssyaỽ dystryw y kastell. Ac o|r dywed gwedy
22
na dygrynnoyd ym ỽdỽnt o|r a gwneynt w+
23
ynt a rodassant tan endaỽ. A gwedy kaffael
| « p 120v | p 121v » |