Cardiff MS. 1.363 (Hafod 2) – page 148r
Brut y Brenhinoedd
148r
1
er amỽot a gwnathoedynt a throssy eỽ
2
hwylyeỽ a orỽgant ac ymchwelỽt trach+
3
evyn y enys pr ydeyn. ac y traeth tot+
4
neys e deỽthant yr tyr. Ac odyna anreyth+
5
yaỽ e gwladoed a orỽgant hyt ar hafren
6
a llad e tyrdywyllodryon. Ac odyna e ky+
7
merassant eỽ hynt hyt eg kaer ỽadon. ac
8
eyste wrth e kaer ac ymlad a hy. Ac gwe+
9
dy mynegy henny yr brenyn anryỽedỽ en
10
ỽaỽr a orỽc meynt eỽ twyll ac eỽ hyskymỽ+
11
ndaỽt. a chymryt byrr kyghor am korogy*
12
eỽ gwystlon. Ac ymadaỽ a orỽc a ryỽel a de+
13
chrewassey ar y ffychteyt ar escotyeyt a b+
14
ryssyaỽ y dystryỽ e saysson. Pryder maỽr
15
hagen a goỽal oed arnaỽ kanys howel y ney
16
a ry adaỽssey eg kaer alclvt en glaf o orth+
17
rỽm kleỽyt. Ac o|r dywed gwedy dyỽot o+
18
honaỽ hyt pan weles e saysson ef a dywaỽt
19
ỽal hyn. kanys er anwarhaf anweledyc enw
20
saysson ny bỽ teylwng ganthỽnt kadỽ ffyd
21
na cywyrdep wrthyf y; myfy hagen kan
22
kadỽ ffyd wrth dyw y gyt a|e nerth enteỽ
23
a dyalaf hedyỽ gwayt ỽy kywdavtwyr
24
endvn wynteỽ. Gwyskỽch wyr ech arveỽ
| « p 147v | p 148v » |