Cardiff MS. 1.363 (Hafod 2) – page 182v
Brut y Brenhinoedd
182v
ssyav fford y ymkaffael a lles amheraỽder. a me+
gys e marchavc glewaf a devraf en bvrỽ. ac
en llad a kyvarffey ac ef. A howel hagen o|r pa+
rth arall nyt oed ley y angerd megys llwchaden
en annoc er rey eydaỽ. ac en llad y elynyon. ac en er+
bynnyeyt ev dyrnodyeỽ wyntev nyt megys llesc.
ac ny bydey ỽn aỽr hep rody dyrnodyeỽ o·honaỽ
ef neỽ enteỽ a kymerey ereyll. Ac nyt oed barnnỽ
pwy oreỽ a|y howel a|y Gwalchmey.
AC odyna eyssyoes megys e dywetpwyt wuchot
Gwalchmey kan lad llawer o|r dywed ef
a kaỽas er hynt ed oed en|y damvnaỽ. ac|en wy+
chyr kyrchv er amheravder a orỽc a gossot
arnav. Ac eyssyoes lles megys ed oed en dechr+
eỽ blodeỽ dewred y yewenchtyt ac en vaỽr y
ryvyc a|e enny endaỽ nyt|oed well dym kanthaỽ
noc ymkaffael a ryw varchaỽc hvnnỽ. er hwn
a kymhelley y wybot pa peth vey y angerd a|y
dewred. Ac wrth henny erbynneyt dyrnaỽt
Gwalchmey a orvc. a dyrvavr lewenyd a kymyrth
rac meynt e klot a klywssey y wrth Gwalchmey.
Ac gwedy bot ymlad en hyr er rydhỽnt kan ne+
wydyaỽ kaledyon dyrnodyeỽ ac eỽ herbynny+
eyt ar eỽ taryaneỽ. a phob ỽn onadvnt en lla+
| « p 182r | p 183r » |