Cardiff MS. 1.363 (Hafod 2) – page 184r
Brut y Brenhinoedd
184r
o|r parth arall en ev bvrỽ ac mynet trostv+
nt. Ac eyssyoes en wychyr gwrthvyne+
bv a gwneynt er rvueynwyr ac o dyst
lles arderchaỽc vrenyn llafvryaỽ y talỽ
aerva yr brytanyeyt. A chymeynt wu gr+
ym ac angerd er ymlad a chet bey eny* er aỽr
honno e dechreỽyt o newyd en kyntaf. O|r pa+
rth hwn megys y dywetpwyt wuchot arthỽr
en llad y elynyon ac en annoc y brytanyeyt y se+
ỽyll en ỽraỽl. Ac o|r parth arall lles en annoc y rỽ+
ueynwyr ac en eỽ dyskỽ. ac en eỽ moly. Ac ny
orffwyssey enteỽ en llad ac en bỽrỽ ac en kylchy+
nỽ y vydynoed. a pha elyn bynnac a kyỽarffey ac
ef a|e Gwayw a|e chledyf ef ay lladey. Ac|evelly o
pob parth e bydey arthvr en gwnevthvr aer+
va. kanys gweythyeỽ e bydynt trechaf y bry+
tanyeyt. gweythyeỽ ereyll e bydynt trechaf er
rỽueynwyr. Ac|o|r dywed val ed oedynt ar ryw
amrysson hvnnv er·ryngthvnt. enachaf mor+
vd yarll kaer Gloew ar lleng a dywedassam ny y
hadaỽ eng gwerssyll wuchot en dyvot. ac en
| « p 183v | p 184v » |