Cardiff MS. 1.363 (Hafod 2) – page 59r
Brut y Brenhinoedd
59r
kanys nyt oes dym twyll na brat yn yr am+
AC gwedy darlleyn y lly +[ adraỽd hỽnn.
thyr hỽnnỽ rac bron Wlkessar kyghor
a kymyrth y gan y annwylyeyt hyt na
chretey ef o|y oỽer amadraỽd ac nat aey
ef y ynys prydeyn ony chaffey ef gwystlon
a ỽey da kanthaỽ hyt pan ỽey dyogelach ky+
rchỽ ynys prydeyn. Ac|ỽrth hynny aỽarwy ỽap
llwd a enỽynvs kynan y ỽap a|y gyt a hynny deg
gwystyl ar rỽ·geynt o ỽeybyon y gwyr bonhe+
dykaf yn|y kyỽoeth o|e anwylyeyt a|e|karant. ac
gwedy rody y gwystlon yn hyfryt Wlkessar a
kynnỽllỽs y lw ac a kyweyryỽs y lyghes. ac|yr
y gwynt kyntaf y|dyscynnỽs ym porth rwytvn.
Ac yn yr amser hỽnnỽ yd oed kasswallaỽn yn de+
chreỽ ymlad a chaer lỽndeyn ac yn an·reythy+
aỽ y gwladoed yn|y chylch. Ac ygyt hagen ac y
kygleỽ ef ry dyỽot Wlkessar y dir ynys pryde+
yn ymadaỽ a wnaeth ynteỽ a llỽndeyn a bryssy+
aỽ a orỽc yn erbyn yr amheraỽdyr. Ac gwedy
dyỽot ohonaỽ hyt ger llaw glynn oed yn agos
| « p 58v | p 59v » |