Oxford Jesus College MS. 119 (The Book of the Anchorite of Llanddewi Brefi) – page 142v
Gwlad Ieuan Fendigaid
142v
nyỽ o|r llysseu a|elỽir hebenus. y|ffenestri a oedynt o ve+
in cristal. y|byrdeu y uuytta arnunt yn yn llys ni.
rei ohonunt eur ynt. Ac ereill o|vein gỽerthua+
ỽr amestic. Yr ystyphyleu a gynneil y|byr+
deu o ascỽrnn moruil ynt. Rac bronn yn llys
ni y|mae heol yn|yr honn y|gnottaa yn gỽiron+
ed ni edrych ar ymladỽyr yn ornest. Penn y|neu+
ad a|e pharỽydyd a henyỽ o onichino. Sef achos
yỽ hynny hyt pann kychỽynno hynny yn ymlad+
dỽyr o nerth y|mein. Yn yn* neuad honno nyt en+
nynnyr goleuat y nos namyn a vacco yr ireit
gỽerthuaỽr a|elỽir balsamỽm. Yr ystauell y gor+
ffỽys yn goruchelder ni yndi. a|gyỽeirỽyt o ỽeith
enryfed a hynny o eur. a|phob ryỽ vein gỽerth+
uaỽr o|r byt. y|tinus. Achos ragor maen o|nichinus
yn lle goleuat. yg|kylch hỽnnỽ y|gỽneir gỽeith
pedryfual kymeint ac e|hunan hyt pann vo o
nerth y|rei hynny yd ardymherer enỽired
y|maen onix. Jreit gỽerthuaỽr a lysc yn|ỽastat
yn|yr ystauell honno. Yn gỽely ni a henyỽ o sa+
ffyr o achaỽs nerth diỽeirdeb. Gỽraged teckaf
yn|y byt ysyd yni. Ac ny doant attam namyn pe+
deir·gỽeith yn|y vlỽydynn. o achos etiueddu. ac
gỽedy hynny yd ymhoel pob vn yn|y lle yn gynn
| « p 142r | p 143r » |