Breudwd Welsh Prose 1300-1425
Cymraeg

Oxford Jesus College MS. 20 – page 63r

Saith Doethion Rhufain

63r

ryoet hyt hediỽ ac yna kynhewi a
oruc y brenhin a medylyaw na welas
eiryoet gwreic na modrỽy mor debig
a|e|wreic ef a|e vodrỽy y wreic a modrỽy
y marchaỽc. A gwedy bỽyt y bren  ̷+
hin a aeth tu a|r tỽr y geissyaỽ diheu+
rỽyd am y wreic val y cafas am y vo  ̷+
drỽy. a hitheu a|e racvlaenaỽd ef y fford
arall. ac a sumudaỽd* i gwisc. a gwis*+
gwaỽ y chartrefwisc e|hun amdanei.
Ac ynteu pann deuth a|e haghreithtyaỽd
e|hun yn|y vedỽl am y gam·adnabot
ar orderch y marchaỽc. Ac ym|penn ys+
peit o amser y marchaỽc a weles nat
oed diberigyl idaỽ kynhal karadas a
gwreic y brenhin yn vn wlat ac ef
y·gkwaethyach yn|y lys a|e gastell e|hun
Ac ef a gafas yn|y gyghor paratoi ỻong
a|e|ỻenwi o bob da. Ac yna ef a erchis
kannyat y|r brenhin y vynet tu a|e
wlat. ỽrth na buassei yr ys hir o amser