Oxford Jesus College MS. 57 – page 82
Llyfr Blegywryd
82
brenhin. Tri dyn a|geidỽ breint ỻys yn absen
brenhin. offeiryat teulu. a|distein. a|braỽdỽr
ỻys. pa|le|bynnac y bỽynt y·gyt yno y byd
breint ỻys. ~ ~ ~ ~ ~ ~
T Ri datsaf gỽaet yssyd. gỽaet o|benn hyt
gỽỻ. a gỽaet o gỽỻ hyt wregys. a gỽa+
et o wregys hyt laỽr. ac os o benn hyt laỽr y
goỻyngir. dogyn gỽaet y gelwir. Gỽerth gỽaet
pob dyn yỽ. pedeir ar|hugeint. O|r|gỽedir y gỽ+
aet kyntaf. trỽy lỽ naỽ nyn y gỽedir. Yr|eil
gỽaet. trỽy lỽ chỽech. Y trydyd trỽy lỽ tri dyn.
Ny dylyir na ỻei·hau na mỽyhau gỽerth gỽa+
et o pedeir ar|hugein. pa|gyueir bynnac y goỻ+
ynger o gnaỽt dyn kyt symutter reitheu he+
rwyd yr|argaeeu. Tri hely ryd yssyd y bop
dyn ar tir dyn araỻ. hely Jỽrch a chatno. a
dyuyrgi. Tri chewilyd morỽyn yssyd. vn yỽ;
dywedut o|e that ỽrthi. mi a|th rodeis y ỽr. Eil
yỽ pan el gyntaf y wely y gỽr. Trydyd yỽ. pan
del gyntaf o|e gỽely ym|plith dynyon. Dros y
| « p 81 | p 83 » |