NLW MS. Llanstephan 4 – page 10v
Chwedlau Odo
10v
ar vockeit* ffeils. a|r medygon kelwydaỽc
tỽyỻodrus. a|r braỽtwyr anghywir y rei
a vedrant vn ar|bymthec o geluydodeu
enwir a|heuyt ỻoneit cot o·honunt.
Eissyoes pan|del yr helywr a|e gỽn. Sef yỽ
hỽnnỽ angheu|a|chỽn uffernaỽl y eu|hym+
lit ac y|eu|daly ac y eu|sodi yn uffern heb
aỻel ohonunt wrthỽynebu udunt. yna
y byd y gỽiryon kywir ffydlaỽn yng|go ̷+
ruchelder nefoed yn|y dilysrỽyd ygyt
a|r engylyon yn edrych ar y kythreuleit
yn eu mystrỽng ỽynteu. ac yna y dyw+
eit ef. Reinyard Reinyard agor dy got
dy hoỻ ystryỽ a|th geluydodeu yn wir yr
aỽrhonn ny aỻant dy rydhau rac de+
int ac ewined a chicweineu y kythreuleit.
E vran gynt a|duc vn o adar y
glomen y dreis y arnei hyt y
nyth. a|e hymlit a|oruc y|glomen idi hyt
yno ac adolỽyn idi etryt y hed˄eryn dra+
chefyn. Ac yna y dywaỽt y vran. A
vedry di ganu. Medraf heb y glomen.
dyeithyr nat da iaỽn y|mod. Can di+
theu heb y vran. a|chanu a|oruc y glomen.
mal y gỽydyat. Odyna y dywaỽt y
vran. Can yn|weỻ neu yn wir ny chey
| « p 10r | p 11r » |