Breudwd Welsh Prose 1300-1425
Cymraeg

NLW MS. 3035 (Mostyn 116) – page 19r

Ystoria Dared

19r

brat yn baraỽt y|achil ac adaỽ a|wnaeth alexander y|e*
ecuba proui gỽneuthur. brat. sef oed yn eu bryt y|nos
kyn y vrat dewis nifer deỽraf yn|troea a|e dodi yn
ymyl temyl apoỻo a oed yn|agos yn erbyn dyuot
achil yr oed ecuba megys y medylyỽys ac y|dywaỽt
ỽrth alexander a anuones at achil megys y gan briaf
y|rodi polixena idaỽ yn briaỽt ac y erchi idaỽ dyuot
y|demyl apoỻo y gỽpplau y geniwedi ac achil a vu
lawen gantaỽ hyny o|serch polixena a|thranoetha ̷
ossodes oet yn|y demyl y gỽpplau y|neges ac yn hẏnẏ
achil ac antilogus mab y nestor a deuthant y|r ỻe
gossodedic ac a aethant y·gyt y|r demyl ac o|pop parth
vdunt y|byryỽyt ergytyeu ac yd annoges paỽb o|r
bratwyr y|gilyd o vn vryt ac yna achil ac antilogus
a|droysant eu mentyỻ am y breicheu asseu vdunt
ac a dynassant glefydeu ac yna y ỻadaỽd achil
lawer o|wyr. ac alexander a|ladaỽd antilogus ac a
vrathỽys ỻawer o vratheu yn achil ac achil yna o|r
bratheu hyny kyt bei deỽr yr ymladei a goỻes
y|eneit ac alexander a erchis bỽrỽ y|gorf ef y adar
a|bỽystuileit ac adolỽyn a|wnaeth elenus na|wne+
lit hẏnẏ namyn rodi y|gorff y|wyr achil a gỽyr groec
a gymerassant y gorff a|chorf antilogus ac a|e dugas+
sei gantant eu|ỻuesteu. a·gamemnon a|beris cladu
y gỽyr ỻadedigyon hẏnẏ yn anrydedus ac a adoly+
gỽys y briaf bot bed achil gyt a bedeu gỽyr troea
a gỽneuthur yno waryeu ac arỽylat tec ymdanaỽ
O dyna y|gelwis ef wyr goroec yg|kyghor ac yd
erchis vdunt rodi arueu y achil a|phob peth a
oed eidaỽ ef gyt a|hyny o|dlysseu da araỻ ẏ aiax