NLW MS. 3036 (Mostyn 117) – page 27
Brut y Brenhinoedd
27
inheu rac hacrau o|m tlaỽt ethrylith i ymadraỽd gỽr
mor huaỽdỽl gyfrỽys a hỽnnỽ.
A Guedy daruot y urutus adeilat y| dinas me+
gys y| dywespỽyt uchot. gossot kiỽtaỽtwyr
a oruc yndaỽ. A rodi kyfreitheu a| breinheu vdunt.
trỽy y| rei y gellynt buchedoccau trỽy hedỽch a thag ̷+
nefed. Ac yn yr amser hỽnnỽ yd oed heli effeirat
a silo ymlaen pobyl yr israel y|g·wlat iudea. Ac
yd oed archystauaen yg keithiwet y philisteisson.
Ac yd oedynt yn guledychu tro meibon ector gue ̷+
dy ry| dehol plant antenor o·honei y ymdeith. Ac
yn yr eidyal yd oed siluius eneas yn| trydyd bren ̷+
hin guedy eneas ewythyr y vrutus braỽt y tat.
AC yna guedy llunyaethu pop peth ar hyt yr
ynys yn tagnofedus Ac adeilat y gaer a|r
dinas; kyscu a| oruc brutus gan y wreic. A thri
meib a anet idaỽ o·honei. Sef oed eu henweu. locri ̷+
nus. kamber. albanactus. Ac ym pen y petwar+
ed vlỽydyn ar| hugeint guedy y| dyuot y|r ynys
hon y bu uarỽ ac y cladỽyt yn| y gaer a ateilassei
e| hun yn enrydedus. Ac yna y rannassant y vei+
bon yr ynys yrydunt. Ac y locrinus kan oed hy ̷+
nhaf y doeth y ran perued o|r ynys. yr hon a el+
wit o|e enỽ ef lloegyr. Ac y kymyrth kamber
o|r tu arall y hafren y ran a elwir o|e enỽ ynteu ky+
mry. Ac y kymyrth alban·actus y gogled y| ran
a| elwis ynteu o|e enỽ ef yr alban. A guedy eu bot
| « p 26 | p 28 » |