NLW MS. Peniarth 11 – page 117r

A gỽedy daruot roi y mab yn|offrỽm. y meudỽy a|e roes ynteu ar

yr aỻaỽr. A|gỽedy hynny ef a|dechreuaỽd aberthu. Yna arthur a|oed

aỻan ar tal y deulin yn maedu y dỽyvronn o wir ediuarỽch am y be+

chodeu ac yn|gỽediaỽ duỽ. A|phan dechreuwyt yr aberth ef a|welei

y·rỽng dwylaỽ y meudwy sant. gỽr a|e ystlys a|e|dwylaw a|e|draet

yn waetlyt a|choron o|drein am y|benn. a hynny yn|y briaỽt ffuryf.

A|gỽedy daruot y arthur edrych talym ar y weledigaeth honno ef

a|difflannaỽd y ganthaỽ hyt na wybu ef pa le. Trist a|govydyus

vu gan arthur am yr hynn a|weles ar y gỽr. a|goỻỽng dagreu

a|oruc ef o dristit. A|gỽedy daruot canu yr offeren. vn o|r engylyon

a|dywaỽt. Jte missa est. Ac odyna y|mab a gymerth y vam erbyn

y ỻaỽ. ac ymdifflannu a|wnaethant o|r|capel. ac y·gyt ac ỽynt  y

gedymdeithyas vỽyhaf o engylyon. a heuyt y fflam a|dathoed drỽ+

y  y ffenestyr a|difflannaỽd y·gyt a|r|kedymdeithyon hynny ~  

P an|daruv y meudỽy wneuthur y wassanaeth ef a|doeth

att arthur yr|hỽnn a|oed yn|y drỽs etto. ac a|dywaỽt ỽrth+

aỽ. arglỽyd. ti a|eỻy dyuot y myỽn beỻach. a gỽynn oed dy vyt ti

pei haedassut kymeint ar duỽ a gaỻel dyuot yr dechreu yr offeren.

Ac yna y brenhin a|doeth y myỽn heb lesteir arnaỽ. Arglỽyd heb

y meudwy myui a|th atwaen di yn|da. a|mi a|atwaenỽn heuyt

uthur benndragon dy dat ti. Ac o|achaỽs dy bechaỽt ny eỻeist

di dyuot y myỽn hediỽ tra|ganỽyt yr offeren. ac nys geỻy vyth

yny darffo ytt ymendau dros dy bechodeu y duỽ ac o|e|seint y|rei

yr ys yn eu hanrydedu yma yn wastat. Y·gyt a|hynny heuyt

ti a|dylyut wybot nat oes yn yr hoỻ vyt brenhin kyn gyuoetho+

ket na chyn gadarnet na|chyn amlet anturyeu da idaỽ ac ytti