NLW MS. Peniarth 11 – page 149v
Ystoriau Saint Greal
149v
y bobyl o|r wlat honn y dolur a|r gỽynuan y maent yn|y wneu+
thur. a vnbenn heb ynteu mi a|e dywedaf ytt. brenhin gorge+
raus nyt oed idaỽ chweith plant onyt vn mab. a|hỽnnỽ ef a|aeth
kaỽr ac ef. ac am hynny ef a|beris y brenhin criaỽ dros gỽbỽl
o|e|deyrnas pỽy bynnac a dygei y vab idaỽ y rodei idaỽ yr vn
arch a vynnei. ac nyt ytiỽ yn kael neb a|lyfasso ymroi yn
yr antur hỽnnỽ. ac am hynny y|mae ef yn kerydu y gret
yn vỽy no c˄hret y cristonogyon. ac a|dywaỽt pei|delei grista+
ỽn attaỽ. yd erbynnyei ef ar lewenyd. ỻawen vu gan w+
alchmei hynny. ac adaỽ y march·aỽc a|oruc ef a|dyuot y|r
casteỻ yn|y ỻe yd oed y brenhin. ~
C hwedleu a doeth att y brenhin dyuot cristaỽn y|r
casteỻ. a|ỻawen vu gan y|brenhin hynny. a|pheri y
dwyn geyr a|oruc. a govyn idaỽ pỽy oed y henỽ. ac o ba wlat
yd hanoed. Ef a|m gelwir i gỽalchmei heb ef. a|mi a hanỽ+
yf o wlat yr amheraỽdyr arthur. Wrth hynny heb ef ti a
hanwyt o wlat y milỽr. ny aỻaf|i eissyoes gael yr vn da.
yn vyng|gỽlat i nac a|lyfasso roi kynghor ym yn|vy reit. Eissy+
oes os tydi yssyd yn|y daeoni y ỻefessych ymroi yn anturyaeth
drossof|i. mi a|e|talaf ytt. a|ỻyna yr antur. kaỽr a|duc vn mab a
oed ymi. ac os tydi a|a yn antur drossof|i. Minneu a|rodaf y|ttith+
eu y cledyf teckaf o|r a|wnaethpỽyt eiryoet. ac a|hỽnnỽ y ỻas
penn Jeuan uedydyỽr ac a|vyd gwaetlyt vnweith bop hanner dyd.
kanys hanner dyd e|hun oed yr aỽr y|ỻas efo. Y brenhin a|beris
dỽyn y cledyf geyr bronn. a|e wein wedy y gorthoi o|vein ma+
ỽrweirthyaỽc. a|e bỽmel oed o vaen ma gweirthuaỽc*. yr
| « p 149r | p 150r » |