NLW MS. Peniarth 11 – page 249v
Ystoriau Saint Greal
249v
edassei vriant amdanaỽ. ny wnaeth Laỽnslot yr|hynny namyn
tewi megys y neb a|wydyat dyuot yn anrydedus o bop anghyf+
lỽr. Laỽnslot a|drigyaỽd yn|y ỻys yn|hir o|debygu yd anuonei ~
vrenhin claỽdas yno ryỽ gennat. Briant eissyoes a|vynnei pei
y brenhin a|e gỽrthladei. kanys cassach oed ganthaỽ laỽnslot ~
no neb o|r|ỻys. kanys efo vỽyaf a|e|gorthrymassei. ~
M agdalans o orient a|gigleu vynet laỽnslot dra|e|gevyn
ac adaỽ gỽlat alban yn wac onyt o|e th·ylwyth e|hun.
Ac yna ef a|beris paratoi y longeu ac eu hystoryaỽ. ac a|doeth
dra|e|gevyn y|r alban a|ỻu maỽr gyt ac ef. ac a|losges y wlat
ym|pob ỻe ac a|e|diuaaỽd. ac a|wnaeth mỽy o|drỽc noc a|nottaaỽd
o|r|blaen. Yna y rei o|r wlat a|anuonassant genadeu att arthur
y erchi idaỽ anuon nerth attunt. neu ỽynteu a|rodynt y wl+
at a|r kestyỻ kanys ny eỻynt barhau mỽy. Yna y brenhin a
gymerth kynghor y edrych pỽy a anuonei attunt. ac ỽynteu
a dywedassant bot yno ˄laỽnslot o|r blaen. anuoner briant yno wei+
thyon kanys mỽyaf y credy idaỽ. Yna y brenhin a|anuones
briant a|deugeint marchaỽc urdaỽl ygyt ac ef val y|danuon ̷+
assei gyt a|laỽnslot. Briant yr|hỽnn ny charei ef haeach o
arthur a|doeth yno. ac a amdiffynnaỽd y wlat yn|ysgaelus.
ac ỽynteu a doethant diwarnaỽt y|wneuthur bateil. a|mag+
dalans a|oruu ar vriant. ac a|ladaỽd y vachogyon* vrdolyon
oỻ. Ac yna tylỽyth magdalans a wasgarassant ar|hyt y wlat.
ac a|gymerassant y kestyỻ a|r trefi ac a|e|distrywassant. a|chỽ+
| « p 249r | p 250r » |