NLW MS. Peniarth 11 – page 91v

veibyon ym. Ac ynteu a|dywaỽt. py drỽc ytti o hynny. kanys

ỻef y gan iessu grist a|doeth attaf y dywedut ym y deuei uarch+

ogyon iessu grist y dial arnunt dy gewilyd di a|r meu inheu. ac  ̷

am hynny heb yr offeiryat y gỽnn j panyỽ duỽ a|ch anuones

chỽi yma oc eu diua ỽyntỽy. a chỽi a|welỽch etto arỽyd a|vo eglu+

rach am hynny noc a|welsaỽch hyt yn hynn. Yna yr offeiryat a

wylyaỽd o dostur drycket oed eu buched. Ac yna y doeth gala+

ath y·gyt a|r offeiryat y edrych y gỽr a|oed yn glaf. yr hỽnn a

vu lawen ỽrth galaath pan y gỽeles. ac a|erchis idaỽ eisted y·dan

y dỽy ysgỽyd. kanys esmỽythach vyd y|m eneit vot gỽr kystal a

thydi ỽrth y ysgar a|r corff budyr. Ac yna galaath a|e kymerth

yn|y arffet ac a|aeth dan y dỽy ysgỽyd. a|gogỽydaỽ ar alaath

a|oruc ynteu. a|ỻewygu megys y tebygassynt yn|dieu y varỽ ef.

ac ym|penn talym gỽedy hynny ef a|dywaỽt. Galaath heb ef

y mae y pennaf o|r arglỽydi yn hyspyssu drossof|i daruot ytti

hediỽ dial ar y elynyon ef yn gymeint ac y|mae engylyon nef

yn ỻawenhau. Ac ef a vyd reit itti vynet yn vuan odyma ym+

meith y vỽrỽ anturyeu ereiỻ. ac ar hynny y gỽahanaỽd y

eneit ef o|e gorff. a|r bobyl a|adawssit yn vyỽ yno a|vu drỽc gan+

thunt y varỽ rac y daet gỽr. A|gỽedy daruot y|galaath beri

cladu y gorff yn anrydedus. trannoeth y bore ỽynt a|gerdassant

ymeith yỻ|tri. a|chwaer beredur y·gyt ac ỽynt. a marchogaeth

a|orugant hyt pan doethant hyt y myỽn fforest. ac yno ỽynt

a|welsant carỽ gỽynn. a|phedỽar ỻeỽ y·gyt ac ef. y rei a|welsei be+

redur kyn|no hynny. Galaath heb·y peredur ti a|eỻy welet yr

aỽr·honn beth enryued. Myn vyng|kret heb·y galaath ny wele+

is i