NLW MS. Peniarth 15 – page 82

llẏs yn|y|byd yma ac a|gẏffvarffo gofvut llawer Ac wynt kanys y|rei hyn+

ny megys meibon yn oll* ev gwarafonnev a|dẏgẏr y|r teyrnas megys y|dy+

wedir dvw a gospa pob mab o|r a|gymero. A|gwẏbẏd di kẏt kaffo y|rei drwc

coron brenhinnyaeth yma Ygkannogẏon vydant o|gwbyl rac llaw Ac

ny bydant vyth heb poennev arnadvnt a|r etholedigẏon kẏt boent y+

g|kethiwet Ac yg|karchar yma kyfvoethawc vyddant rac llaw Ac nẏ

bydant heb poennev arnadvnt yn wastat yn|y bẏt hwn yr karyat dvw

par ym glwelet* hẏnnẏ yn vvanath* Y rei drwc ẏssẏd dlodyon yn wastat

am vot bar dvw arnadvnt Ac na|mynnant da ac wrth hẏnnẏ nys gallant

drwc a|vynnant Ac a|allant ac ef a|brovet vchot am drwc nat dim wrth hẏn+

nẏ diogel yw nat oes dim ar ev helw. Ny bẏdant wyntev byth heb po+

en arnvnt kannẏs ev kyt·wybot krevlawnn ẏssẏd ẏnẏ* ev llosgi pennẏdẏ+

awl ofvẏn ẏssẏd ẏn|ẏ govalv rac ev talv Ac rac y llad ac rac dwẏn ev da o+

dẏna ẏ|dẏwedir nẏt oes tangneved med yr arglwẏd y|r rei ennwir Yg|gwr+

thwẏnneb ẏ|hẏnnẏ yr etholedigẏon ẏssẏd govoethawc* kanẏs rat dvw y+

ssẏd ygẏt Ac wynt a|da a|vẏnnant ac a|allant Ac ymwrthot a|drwc a|wn+

nant. Ny bydant heb obrwẏ kannẏs diofvẏn vẏdant aa* |lawen* o|hẏspẏsrwẏd

ryddit. rac llaw odẏna y|dywedir gwirion a|uẏd heb ovẏn a|heb dechryn ar+

nnaw a mi a|vẏnnaf dangos peth arall ytt Nẏ damweina dim o|da y|rei

drwc. Ac ny daw dim o|r drwc y|rei da. Discipulus Yn enw dvw manaka ẏm

ẏr hẏnn yd wẏti yn|y dywedvt. Magister. Ponẏt y|rei drwc a|gaffant yman

drẏth·yllwch y|gwledev ac a|digrifveir o|edrẏch ac o|ymgymẏscv a|r gwraged

tec Ac a|valcheir o|r gwiscoed mawrweirthawc ac a|ymdrẏchafvant o|r golvt

ac o|r adeiladev mawrhẏdic yg|gwrthwnneb* y hẏnnẏ y|rei da yman a|ger+

cherir ac a|veidir ac a|boenir o|newyn a|sẏchet a|gofvvdẏev ereill. Pan vo|rwyd

ẏ|gẏghettvenn* rac y|rei drwc a|chafel amylder onadvnt o|r daoed a|rifveist i

yna y|tebic ef ẏr llyngkv yr ennwir drwẏ lewenẏd a|phan dẏnner ef o|r

dwfvẏr y|kyll y|eneit a|thebic hevẏt yw ẏ|dẏn y|rodher diawt vechan idaw

o|vel odẏna heb dranc a heb orffenn kẏmell arnnaw yvet y|weilgi chwerw

kannẏs yn lle y|gwledev y llenwir wẏnt o|r wermot a|hwerwed megẏs

berthal gẏnt a|gladwyt ẏn|ẏ tan vffernnawl gwedẏ y wledev. Ynn lle ka+

ryat y|gwraged y|llennwir wẏnt o|vrwnnstanawl drewant yn lle y|gwis+

coed tec y|gwisgir wynt o|gẏthrvd ynn lle golvdoed ac adeiladev pryvet

a|e goresgẏnn wẏnt yng gogovev vffernnawl odẏna y|dẏwedir wẏnt

a|dygant ev dẏdẏev yn|da ac a disgynnant y vffern ar ennẏt pwynt

bechann Y rei a|dywedẏ di. Ac a|gervnheẏ ev bot ynn|da nẏ|chẏfvervẏd

Ac wẏnt y|ryw agkymwynnassev hẏnnẏ tebic ynt y|r neb a|arhwaeddont

prẏfvet nev lyssev chwerw a|gwedẏ y|hẏnnẏ gwell vyd blas y|gwin