NLW MS. Peniarth 190 – page 255
Penityas
255
wac. O|r gỽnaeth wassanaeth y arglỽyd yn
weỻygyus. O threulaỽd y amser yn drỽc. O+
nyt anrydedaỽd y vam a|e dat. Os gỽr ny
charaỽd y wreic briaỽt yn|dogyn herỽyd y
aỻu. Ony magaỽd y blant yn|dylyedus. ac
ony|s dysgaỽd yn wedus. ac ony|s angkreiff+
tyaỽd herỽyd amser. O|r syrthyaỽd weitheu
y|myỽn gormod anobeith yny anobeith+
ei ef neu yny dielwei y eneit a|e vywyt. O|r
bu executor gỽeỻygyus ar da kymynnaỽl.
O|r bu ebryuygus y dysgu ac y angkreifft+
yaỽ a ỻywyaỽ a|chanhorthỽyaỽ a gỽediaỽ
y dy a|e dylỽyth. Ot edewis ar yr offeren
dwfyr neu win neu dan neu ystola. neu
beth val hynny yn|y canon. Ot ebryuy+
gaỽd dysgu o|e veibyon a|e verchet bedyd
eu pader a|e credo. Am odineb.
O Geingeu godineb. O|r pechaỽd
gyt a gỽreic ryd. neu wreic gỽr
araỻ. O|r pechaỽd yn gnaỽdaỽl a chares
idaỽ. neu a|e verch ysprydaỽl. Ot ymgym+
| « p 254 | p 256 » |