NLW MS. Peniarth 190 – page 84
Ystoria Lucidar
84
1
Nyt oes yr un kanys oc eu hoỻ ynni y
2
maent yn|gỽassanaethu y diaỽl. am y rei
3
hynny y dywedir. nyt adnabuant ỽy duỽ
4
ac ỽrth hynny duỽ a|e tremygaỽd ỽynteu.
5
a|duỽ a|wattwara amdanunt. kanys a|wat+
6
twaro ef a|wattwerir. discipulus Pa obeith yssyd y|r
7
porthmyn. Magister|Ychydic. Kanys o dwyỻ ac an+
8
nudon ac usur ac ockyr y keissant bop peth
9
haeach o|e kynnuỻ. discipulus Ponyt aant ỽy y bere+
10
rindodeu. ponyt offrymant. pony rodant a+
11
lussenneu ỻawer yr achwaneckau da udunt
12
o duỽ. Magister Y gadỽ ganthunt a|wnant ỽy oỻ y
13
hynny. ac am hynny y kymerant ỽy eu kyf+
14
loc yman. am y rei hynny y dywedir. A ym+
15
diretto o|e olut. megys deueit yn ufern y
16
gossodir. ac angheu a|e pyrth. discipulus Beth a|vyd
17
y|r rei kywreint. Magister|Mynet haeach yng|kyvyr+
18
goỻ. kanys pob peth o|r a|wnelont drỽy dỽyỻ.
19
y gwnant. ac am y rei hynny y dywedir. Nyt
20
oes dywyỻỽch na gỽasgaỽt angheu a|gudy+
21
o y neb a|wnel enwired. discipulus Beth a|dywedy di
| « p 83 | p 85 » |