NLW MS. Peniarth 20 – page 204
Brut y Tywysogion
204
Nobile cambrensis cecidit dyadenia decoris.
Hoc est resus obit cambria tota gemit
Resus obit non fama perit sed gloria transit
Cambrensis transit gloria resus obit
Resus obit decus orbis abit laus quoque tepescit.
Jn gemitum viuit cambria resus obit
Semper resus obit populo quem viuus amauit.
Lugent corda tacent corpora resus obit.
Resus obit vexilla cadunt regalia signa.
Hic iam nulla leuat dextera resus obit.
Resus obit ferrugo tegit galeam tegit ensem.
Arma rubigo tegit cambria resus obit.
Resus abest inimicus adest resus quia non est.
Jam tibi nil prodest cambria resus abest.
Resus obit populi plorant gaudent inimici.
Anglia stat cecidit cambria resus obit.
Ora rigant elegi cunctis mea fletibus isti.
Cor ferit omne ducis dira sagitta necis.
Omnis lingua canit reso preconia nescit.
Laudes insignis lingua tacere ducis.
Ploratu plene vite laxantur habene.
Meta datur meri laus fine fine duci.
Non moritur sed subtraitur quia semper habetur.
Jpsius egregium nomen in orbe nouum.
Camber locrinus reso rex albaque nactus.
Nominis et laudis inferioris erant
Cesar et arthurus leo fortis vterque sub armis.
Vel par vel similis resus vtrique fuit.
| « p 203 | p 205 » |