NLW MS. Peniarth 31 – page 31r
Llyfr Blegywryd
31r
reithus. A chryc anyanaỽl. vn dyn hagen a
dyly dewis y tauotyaỽc; arglỽyd.
TRi llydyn digyfreith eu gỽeithret ar ani+
ueileit mut. ystalỽyn. a|tharỽ trefgord.
A baed kenuein. Digyfreith heuyt yỽ gweithret
tarỽ tra geisso gỽarthec gwassaỽt o galan mei
hyt galan gayaf. Ac ystalỽyn tra geisso kessic
gỽynhed. A baed tra uo llodicrỽyd ar y moch y bo
arnunt. ny diwygant a|ỽnelont yna. Tri
llydyn nyt oes werth kyfreith arnunt. knyỽ
hỽch. a bitheiat. a charlỽnc. Tri gỽaet digyf+
reith yssyd; guaet o pen crach. a guaet deint.
A guaet trỽyn. onyt trỽy lit y gollygir. Tri
than digyfreith a dotto dyn yn|y tir e|hunan
yssyd; tan godeith o hanher maỽrth hyt han+
her ebrill. A than odyn trefgord. A than geueil
trefgord a uo naỽ kam y ỽrth y tref a tho bana+
dyl neu tywarch arnei. Tri edyn a dyly brenhin
eu gỽerth py tu|bynhac y lladher. hebaỽc. a gỽa+
lch. a chicuran. perchennaỽc y tir y llather ar+
naỽ a dyly dec a deugeint y gan y neb a|e llatho.
Tri phryf a dyly brenhin eu gỽerth py tu byn+
nac y llather; llost·lydan. a beleu. a charlỽnc. ka+
nys o·honunt y gỽneir amayrỽyeu y dillat y
| « p 30v | p 31v » |