NLW MS. Peniarth 32 (Y Llyfr Teg) – page 145
Llyfr Iorwerth
145
moruil; trugeint. O|r byd bann hyd; pedeir ar|hu+
geint. O|r byd corn eidyon; deudec; keinhawc. O|r byd
prenn; pedeir; keinhawc. Kerỽyn ystaỻaỽt; os y brenhin
bieiuyd; pedeir ar|hugeint. O|r byd y uchelỽr.
deudec; keinhawc. O|r byd y uab eiỻt; chỽech cheinhaỽc.
Pob kerỽyn unpren. a|sach. a nithlen. a pha+
deỻ haearn. a ffiol lynn o brenn. a bỽyaỻ ly+
dan; pedeir keinhaỽc kyfreith. a|dal pob vn onad+
unt. Grenn. a budei. ac ystỽc yỽ. a baeol he+
lyc. a baeol gỽyn. a bỽyaỻ gynnut. a rỽmp.
dỽy geinhaỽc kyfreith. pob vn o·nadunt. Kỽman.
a|chelỽrn. a chafyn traet. ystỽc helyc. a bỽy+
aỻ vechan. a tharadyr perued. a|chryman. a
gỽeỻeu. a raỽ. a cheip. a nedyf. a gylyf. a chan+
hỽyr. a chlo haearn. keinhaỽc kyfreith. pob ˄vn onadunt.
Baeol yỽ; pedeir keinhaỽc. kyfreith. Mennei; kein ̷+
haỽc kotta. ỽrth nat oes glaỽr idi. Rasgyl
a chroper. a thrỽydeỽ. a serr. a chlo pren. dimei
bop vn. Fiol dỽfyr. a chỽynglo. a saeth. a
thuruen. Gỽerthyt. kygladur. styỻaỽt dirỽ+
yn. keruenỻin. ffust. ordỽyn. Spodol. Raỽ.
fforch. Cribin. ysgub geirch. Duỻ ỻin. kyỽ
iar. Burỽy. ỻyỽyadur. Crib. Risgen. geuel.
Meil. ffyrỻig pob vn onadunt. Kist. euyden.
Trybed. Gradeỻ. Ysgraff a|e pherthynas. Tun+
neỻ. Myrthỽl. Bitheiat. Eidon gỽedy yd
| « p 144 | p 146 » |