NLW MS. Peniarth 32 (Y Llyfr Teg) – page 222
Llyfr Iorwerth
222
gynhuỻ; hyt naỽuettyd gỽedy kalan gaeaf. a
mynnu daly ysgrubyl arnaỽ o hynny aỻan. kyfreith. a
dyweit na dylyir. kanny|dylyir cadỽ breint yt
y vlỽydyn yn|y gilyd. O|deruyd. bot aỻtut kenedlaỽc.
ef a|dylyir dodi reith arnaỽ ual ar gymro. Sef yỽ
aỻtut kenedylaỽc; aỻtut a ry vo y rieni yg|kym+
ry yny ordiweder onadunt brodyr. a chefyndyrỽ
a|chyuerdyrỽ. a chyfnyeint. a nyeint o bop vn
o hynny. ny dylyant ỽynteu vynet y|r wlat yd
hanffont o·honei o hynny aỻan; kanys kenedla+
ỽc ynt. ac nat oes vn dyn kenedlaỽc ny dylyer
barnu reith arnaỽ. a hynny o|dynyon yssyd di+
gaỽn o genedyl. ac nat oes neb ny bo gỽr dyuot
gysseuin. a phaỽp a|ant yn|y|diwed yn priodory+
on. ac yn|genedlaỽc o|r trigyant yg|kymry yny
vỽynt yn bedweryd gỽr.
L lyma y ỻeoed y mae pedeir keinhaỽc heb ar+
drychafel. am lo kynfflith. a|e theth. a|e chorn.
a|e ỻygat. a|e ỻosgỽrn. ac asgeỻheit. a chostaỽc
tom. ac ebaỽl ymdiuat. ac aryant a|drycheif ar
varch y dyd y frỽynher gyntaf. ac ar ych y|dyd
kyntaf y dotter dan benn y ieu. ac ar anneir y
dyd yd esgynho tarỽ arnei; naỽuettyd gỽedy a+
ỽst. ac aryant gỽastrodyon. ac am varchogaeth
march heb ganhat. ac am iỽrch. ac am iyrcheỻ.
ac am ascỽrn tỽn. Pỽy bynnac a|dywano ỽrth
| « p 221 | p 223 » |