NLW MS. Peniarth 32 (Y Llyfr Teg) – page 26
Llyfr Iorwerth
26
1
yndi erbyn y|pasc. Ef a|dyly bendigaỽ bỽyt a ỻynn
2
yr ystaueỻ. Y letty yỽ y·gyt ac offeiryat y brenhin.
3
Ef a|dyly offrỽm y vrenhines. ac a|berthyno attei.
4
Y naỽd yỽ hebrỽg y dyn hyt y ỻann nessaf. Y
5
sarhaet herwyd braỽt sened. Y werth herwyd
6
breint y genedyl. ac ueỻy pob gradỽr.
7
T Rydyd yỽ pengỽastraỽt brenhines. Ef a
8
dyly y dir yn ryd a|e varch a|e wisc. Ef a
9
dyly pedeir keinyaỽc o bop march o|r a|rodho
10
y vrenhines. Ynteu a|dyly rodi kebystyr gan
11
bop un o|r meirch. Y letty yỽ y·gyt a phengỽas+
12
traỽt y brenhin. Y naỽd yỽ herỽyd rei hyt ar ben+
13
gỽastraỽt y brenhin. herỽyd ereiỻ hyt y parhao y
14
redec y gan y march kyntaf y|r vrenhines. Ef a
15
dyly traean yr|ebolyon hyt yn|dỽy vlỽyd o|r anre+
16
ith. a|r deu·parth y bengỽastraỽt y brenhin. Y werth
17
a|e sarhaet megys y rei a dywetpỽyt vry.
18
P Edwyryd yỽ gỽas ystaueỻ. y vrenhines. Ef a|dyly
19
y dir yn ryd a|e varch a|e wisc. Ef a|dyly
20
gỽneuthur negesseu y vrenhines. y·rỽng y neuad
21
a|r ystaueỻ. Ef a dyly gỽassanaethu ar y vrenhines.
22
dyeithyr yn|y teir|gỽyl arbenhic ar vỽyt a ỻynn.
23
Ef a dyly cadỽ agoryadeu corprys* y vrenhines.
24
a gỽneuthur gỽely y vrenhines. a|diwaỻu yr ystaueỻ.
25
Y letty yỽ ystaueỻ y vrenhines. a|e wely yn|y geudy
26
ỽrth vot yn baraỽt y wneuthur kyfreideu y
« p 25 | p 27 » |