NLW MS. Peniarth 32 (Y Llyfr Teg) – page 30
Llyfr Iorwerth
30
ef a dyly pedeir ar|hugeint os am tir y byd. neu
am ymlad neu am|ledrat. Ef a|dyly tynghu dros
tir bỽrd y ỻys. Ef a|dyly trugeint o bop carcha+
raỽr o|r a|el y|myỽn geol. Ef a|dyly gỽestuaeu ar
wyr y vaerdref. Y gỽarthec a vo teir|nos kynn
eu ỻad yn|y warchadỽ ef. ef bieiuyd eu crỽyn.
Ny dyly neb crỽyn gỽarthec maer bissweil.
nam·yn ef e|hun. na|r brenhin a vo yn|y ỻys
nac ef ny bo. Y naỽd yỽ dỽyn y dyn a|wnel y
cam dros dir y ỻys. Y letty yỽ y bỽytty. Y sar+
haet a|e werth megys y ỻeiỻ.
P Edwyryd yỽ y righyỻ. ef a|dyly y dir yn
ryd. a phan vo y brenhin. yn|y ỻys ef a dyly
bỽyt seic. Ef a|dyly sefyỻ y·rỽng y deu|bost.
a gỽylyaỽ rac ỻosgi y ty tra|vo y brenhin. yn bỽy+
ta. a|e yfet ygyt a|r sỽydwyr. ac ny dyly eisted
tra vo y brenhin. yn|y neuad. Ny dyly taraỽ y
post y parth y bo y brenhin. Ef a dyly ỻoneit y
ỻestri y gỽaỻofyer ac ỽynt o gỽryf. ac eu han+
ner o|r bragaỽt. ac eu traean o|r med. ef a|dyly
coesseu yr ychen a|r gỽarthec a gaffer o|e gy+
hud ef. Kyfuch ac eu huffarneu. a naỽ·uettyd
kalan gaeaf y keiff peis a ỻaỽdyr heb denỻif.
Kyhyt y dyly y|diỻat vot a|chlỽm y laỽdyr.
Kalan gaeaf y dyly caffel capan. a chalan
maỽrth neu chwefraỽr uanteỻ. Righyỻ a
| « p 29 | p 31 » |