NLW MS. Peniarth 33 – page 107
Llyfr Blegywryd
107
tẏgu a|r vn dẏn nessaf gẏt ac ef.
os peth a|wattta a|pheth a|adef O r
gỽatta neb adeneu* a|rotho dẏn ẏn ̷+
n|ẏ laỽ ẏ gadỽ; neu torri rodet re ̷+
ith deudiblẏc. megẏs ẏ|mae am vei+
ch kefẏn. neu pỽn march. am vei ̷+
ch kefẏn; llỽ degwẏr. Teruẏnedic
ẏỽ; o|bỽn march o adneu; llỽ petwar
gỽẏr ar|hugeint Y|taẏogu* a|dẏlẏ+
ant iaỽnhau ẏ|kameu a|wnel eu
meibon hẏnnẏ vont pedeir blỽẏd
ar|dec ac odẏna eu tadeu a|dẏlẏant
eu gorchymẏn ẏ|r brenhin. ~ ac
wẏnt e|hunein herỽẏd kẏureith
a|attebant drostunt ẏ|maes pedeir
O Ẏt* bẏn +[ blỽẏd ar|dec.
varch brenhin ẏnt Mor.
a|diffeith brenhin. ac ẏchennaỽc
.estronaỽl ẏn kerdet tir ẏ|brenhin
a|e leidẏr. a|e varỽtẏ. dẏn a|vo marỽ
o|agheu deissẏuẏt. brenhin bieu ̷
ran ẏ|marỽ o|r da oll. ac nẏ cheiff
ef dim o|ran ẏ|wieic* a|r meibon. E+
bediỽ. a|dirỽẏ. a|chamlỽrỽ a|geiff.
| « p 106 | p 108 » |