NLW MS. Peniarth 33 – page 34
Llyfr Blegywryd
34
vgeint a|e ẏmborth; Sef ẏnt ẏ|rei
hẏnnẏ. torri penn dẏn hẏt ẏr emen+
nyd. neu vrathu dẏn ynn|ẏ arch hẏ+
t y keu. neu torri vn o betwar post
corff dẏn. dỽẏ vreich. a deu vorddỽẏt
Y|verch a uẏd vnn breint. a|merch y
G of llẏs a|geiff pen +[ bard teulu
neu yr ẏchen a|r|gỽarthec a|lath+
er ẏnn|ẏ llẏs. y|uỽẏt ef a|e|was a|geiff
o|r llys ef heuẏt a|geiff traet ẏ|gỽar+
thec oỻ. Ef a|wna holl weith ẏ bren+
hin ẏn rat. eithẏr tri pheth. bỽell
aỽch·lydan. a|chaỻaỽr. a|phenn gỽayỽ
o|rei hẏnnẏ gỽerth ẏ|weith a|geiff. o
gallaỽr brenhin. a|heyrn rỽẏm porth
ẏ|gastell. a|heyrn ẏ|velẏn. keinon a
geiff ynn|ẏ kẏuedeu; O|pob karcha+
raỽr oc y|diotto heyrn y arnaỽ pan
rythaer. pedeir keinnaỽc a|geiff. A|e
tir a|geiff yn ryd; Gỽiraỽt gẏfrei+
thaỽl a|geiff. nẏt amgen. ỻoneit y
ỻestri ẏ|gwollofẏer ac wynt yn+
n|y llys o|r cỽrỽf; Ac eu hanner o|r
bragaỽt; Ac eu traẏan o|r med
| « p 33 | p 35 » |