NLW MS. Peniarth 36A – page 22v
Llyfr Blegywryd
22v
vgeint yỽ. Os ar y laỽ y byd; trugeint
a| tal. Os ar y troet y byd; dec ar| hugeint
a tal. Sarhaet dyn pan adawer ar y tro+
et gyt ac vn drychafel. Os ar y laỽ y byd
gan deu drychafel. Os ar y ỽyneb y
y* byd; gan tri drychafel y telir.
OR trewir dyn ar y pen hyt pan wel+
her yr emenhyd. neu or brethir y+
n| y arch hyny del y| amyscar y maes. neu
torri ascỽrn mordỽyt dyn neu ascỽrn
y vreich. dros pob vn o hynny teir punt
a telir idaỽ. kanys ym|perigyl oe eneit
y byd o pob vn o hynny. Hyn a telir
y bo reit idaỽ weith medyc gyt ae sarha+
et. Pedeir keinhaỽc dros padell y wneu+
thur medeginyaeth. pedeir keinhaỽc
dros wer. keinhaỽc dros y oleuat beu+
noeth. keinhaỽc vỽyt y medyc beunyd.
a cheinhaỽc dros vỽyt y brathedic
beuyd*. Pedeir keinhaỽc cotta a telir y
dyn dros pob ascỽrn vch creuan a tynher
oe pen or a seinho y myỽn kaỽc euyd.
| « p 22r | p 23r » |