NLW MS. Peniarth 36B – page 76
Llyfr Blegywryd
76
a lletrat ymborth; ryd vyd o gyfreith.
a gỽreic. o|gyletrat* ae gỽr priaỽt. a
lleidyr edyn. kyfreith ae rydha o+
nyt talu gỽerth yr edyn kyfreith
a duc oe perchnhaỽc*.
O Tri mod y|telir dirỽy treis;
vn yỽ pan pallo y reith y
dyn yn gỽadu treis. Eil yỽ; pan
pallo y | amdiffyn yr
amdiffynnỽr yn erbyn dyn. Trytyd
yỽ pan pallo y warant y dyn ae gal ̷+
wo yn dadyl treis. O tri mod y
kyll dadyl treis y breint mỽyhaf;
o pallu teithi treis. ac o tystolyaeth
vywaỽl yn dadyl treis. Ac o|gỽyn ̷+
aỽ or haỽlỽr dỽyn oe eidaỽ ef yr
hyn a ducpcỽyt* y treis rac arall.
ac nyt y gantaỽ ef. nyt mỽy ha ̷+
gen y reith yn|y tri phỽnc hyn; no
llỽ tri|dyn. ac nyt mỽy y|dial; no
| « p 75 | p 77 » |