NLW MS. Peniarth 45 – page 254
Brut y Brenhinoedd
254
1
araỽn y dodet ywein. mab uryen yn urenhin
2
Gỽr a uu clotuaỽr gwedy hynny. A chet bei
3
trỽy diruaỽr ouut arthur a|e lu a cauas y tir. A
4
chymell medraỽt a|e lu ar fo. A chet bei uỽy
5
niuer medraỽt. Trỽy ymlad peunydaỽl. Doeth+
6
ach oed niuer arthur trỽy y bu reit y uedraỽt
7
a|e lu fo. Ac eissoes ymgynnull a oruc gwyr
8
medraỽt attaỽ o bob man. A chyrchu hyt nos y+
9
ny doethant caer wynt. A chadarnhau y dinas
10
yn eu kylch. A phan doeth y chwedleu hynny
11
at wenhỽyuar urenhines. Anobeithaỽ a|wna+
12
eth hi yn uaỽr. A mynet o kaer efraỽc hyt
13
yg caer llion ar wysc a gwisgaỽ ymdanei yn
14
uanaches ygyt ar manachesseu ereill yn eglỽ+
15
ys iulius uerthyr. Ac arwein yr abit hỽnnỽ
16
AC ym pen y trydydyd [ hyt angheu. ~
17
gỽedy cladu eu meirỽ. kychwyn a oruc
18
arthur am penn caer wynt yn flemychedic o lit
19
ỽrth uedraỽt. A phan ỽybu uedraỽt y uot yno
20
Bydinaỽ y lu a wnaeth ynteu a|e hannoc a|e mo+
21
li. A dyuot y rodi cat ar uaes y ewythyr. A
22
diruaỽr aerua a ladỽyt o bob parth. A mỽyhaf
23
a las o parth medraỽt. Ac o|r diwed y kymell
24
ar fo yn gewilydus. Ac ny ohiryỽys hagen ar+
25
thur yna ỽrth y calaned am dianc y tỽyllỽr
| « p 253 | p 255 » |