NLW MS. Peniarth 46 – page 188
Brut y Brenhinoedd
188
y|uudugolyaeth. dechreu a|ỽnaeth talu
y|baỽp y|dylyet a|r daroed y|saeson y|dỽ ̷+
yn racdunt. a|chadỽ iaỽnder ac ỽynt
a oruc ef. ac enrydedu yr eglỽysseu
ỽrth gyghor garmon escob. ac eissoes
kyghoruynnu a|ỽnaeth diaỽl ỽrth y|dae+
oni ef. a dodi yg|kallonn ronỽen y|lysuam
medwl y|geissaỽ ystryỽaỽ y agheu ef.
a gỽedy medylyaỽ ohonei. Sef y|rodes
idaỽ wenỽyn yn llaỽ un o|e ỽassanaeth+
ỽyr. a gỽedy kymryt ohonaỽ y|gỽen ̷ ̷+
ỽyn gann y bradỽr. kleuychu a|ỽnaeth
o orthrỽm heint. ac yn|y lle dyuynnu
attaỽ holl ỽyrda y|teyrnas. a|gỽedy y
dyuot oll hyt yno. rannu a|ỽnaeth
udunt a|gynnullassei o eur ac aryant
a|da arall. a menegi vdunt y|uot ef yn
mynet y|gantunt y|agheu. a|phaỽb
onadunt ỽy yn dryc·yruerth. ac yn ̷+
teu yn|y kyghori hỽy. ac yn annoc y
gỽyr Jeueinc deỽr y|ymlad dros y|gỽlat.
| « p 187 | p 189 » |